الخير محبة :)

بسم الله الرحمن الرحيم رب العالمين

بسم الله الرحمن الرحيم

بسم الله .

ذاك اليوم حلمت اني ف قاعة امتحان في مادة اللغة العربية !

كنت في قاعة وطلاب ومراقبين وكل شي طبيعي كأنه امتحان

عندي ورقة اسئلة وعندي دزينه من الأقلام .. بس ماعندي ورقة نكتب فيها الاجابات ..

وكنت مكدره ونلود نلود ونطلب ندور ورقة ماهي خالكه !

ونقول اوف ذا من الاقلام شلاهي نعدل بيه وانا ماعندي ورقة نكتب فيها ؟

وبعد ياسر ريت ورقة " مانعرف كيف " 

المهم حكمتها وكتبت في بدايتها البسملة 

بنفس ذي الطريقة : 

بسم الله الرحمن الرحيم رب العالمين

بسم الله الرحمن الرحيم

بسم الله .

وبدأت نجاوب وكنت مستمتعة وحاسه انو سهل ..!

ماني عارفه الفكرة في الحلم ولا فسرتو

بس مزلت حاسه بشعور الحرقة اللي كنت حاسه بيه 

لما كنت عندي اقلام وماعندي ورقة !

ومزلت حاسه بشعور الارتياح اللي حسيت بيه الين كتبت البسملة !

ومستغربة من ذا الشي :/

أكيد بيوم ألاقيهم 

إلين اليوم .. إلين اليوم

وأنا عندي أمل فيهم .. ولا مر يوم 

إلا في تحريهم <3

لي اسبوعين تقريباً .. مودي أغاني ذكرى

فجأة حبيتها وصرت نسمعلها كثير ..!

_تنهيدة عميقة_

مانتذكر الناس اللي قلتلها كلام حلو

وماننسى الناس اللي قلتلها كلام غلط !

ليش مانعرف .. ذاك اليوم وحده وقفت حذاها سيارتي  ونزلت نشري شي

رجعت ريتها لاهي تخرج سيارتها وماهي عارفه كيف ترجع

قلتلها حاني نوخظ عنك لعدتي تبقي

قالتلي توقيفتك ماهي نافعة !

قلتلها اوك حاني نوخظ عنك تعودي ترجعي براحتك !

قالتلي ماتلات على شي ! " وهي معصبه " !

قلتلها يمي يعممممممملك -_- 

طبعاً انطعنت قالتلي يعملك الا انتي وتلات هامها تعدلها مشكله وترفع صوتها

وطبعاً الناقصة انا مانعيط فالشوارع سكتت عنها وركبت ومشيت !

ومرة ثانية واحد كنت ساده عنو الطريق وماني عارفه نخرج السيارة من الموقف 

وقعدت ساعه نرجع ونمشي 

زي ماقال الفايت لما تشوف زحمه في الشارع 

اعرف ان فم امرأة قالبها توخظ وتتها !

المهم وهو ذا منادم بييييب بييييب ماهو عاطيني النفس

الين خلصت وخرجت تعاكبت معاه

اراعيلي الراجل لاهي ينفجر بيه الغضب

قلتلو يخويا انت شفاكعك ؟ 

قالي " الا وجودك انتي فالدنيا " !!!

< اطحن في الجبهة ياللي يكعمو D:

قلتلو صرتك الا مكسومه ومشيت !

انو الشخص مايقد يتم دائماً مكبر عقلو و ساكت ومتحمل الآخرين !

مهما كنا كبار مهما كنا عاقلين .. محتاجين وقت نكونو فيه طبيعييييين

نغلطو ونعيطو ونظلمو .. وكل شي نعدلوه !

من حقنا والله < طالعالي جينات شريرة مؤخراً 

في نفس الوقت محترمة جينات الشر في الآخرين

فمؤخراً متحملة كل شي .. التكساح الصكه 

حتى نظرات الغرباء اللي عندي منها حساسية بالعادة

متحملتها .. وبس يعني

كونوا شريرين -_-

ياحبيبي .. وينك إنتَ و وين أنا ؟

ياحبيبي .. رحت عني و ضعت أنا :(

الغرفة مافيها غير نور الشاشة

الجو هادي وبارد و صوت ذكرى خافت وعميق 

وأنا ؟ .. أنا هادئة .. ساكنة جداً

مايتحرك مني غير أصابعي و عيوني ..

ناس كثير زعلانين وعتبانين عليا عشان الاختفاء الاجتماعي اللي أنا فيه 

واللي حقيقة مالو أي أسباب شخصية 

كلو متعلق ب انشغالات عائلية و بالية و غيرها < بالية يعني انشغال البال !

من اهمهم فتية زعلانه اني ماباركت لها وانا والله ماعلمت بتخرجها

و هذه ألف مليون مبروك لها 

ربي يوفقها دايما ويفرحني بيها مغلاها <3

أول شي نطمنكم

أنا ماني زعلانه من حد ولاني عتبانه على حد

ومرتاحة جداً وحاسه اني عدت راضية عن نفسي شوي 

ومانعرف لاش صراحة D: بس الحمدلله 

 والحمدلله أحدهم بخير يعملو يتم بخير <3

 و أي حد ناوي يعاتبني على اختفاء أو انشغال

عندكم ماما و أحدهم يخليهملي 

الاثنين اللي خاطفيني من العالم ذي الفترة -_-

تفاهموا معاهم D:

وإن غبت سنة

أنا برضو أنا

لااقدر انساك

ولا ليا غنى

ولا اتوب عن حبك أنا <3

عارفين

الاسبوعين اللي فاتت .. زرت المستشفيات أكثر من 15 مرة ..

الحمدلله على كل حال .. أنا بخير الحمدلله

بس أشخاص من العائلة مريضين الله يشفيهم

وكل وقت يتعب حد منهم يصادف انو مافي غيري يمشي بيه ونمشي معاه

المغرب و الفجر و الظهر و الصباااح 

كل الأوقات مشيت فيها

كل مشية تعلمت منها شي .. أو لصق فيا شعور منها

البنت العاجزة عن الوقوف من ألم بطنها

 رجعتلي كل ذكريات عمليتي وألمها وكدرها !

الطفلة اللي جلدها مختفي من الحساسية وماشه مع امها مبتسمه وماتبكي

يا الله قديش وجعتني وخجلتني

وحسستني بالتفاااااااهة وانا كنت نصكك اني ركدت بدون قبه

ووعيت واكلني الناموس وفيا نقيطات حمر !

الرجل الذي يبكي من ألم الاسنان لدرجة اني خليت اهلي

ومشيت نطلب الدكتور يجي يعدلو شي 

كسحني الدكتور قالي انتي جايه معاه ؟ "بنظرة مترشك" !

والبنت اللي مرضت بسبب امتناعها عن الأكل لأن وزنها زايد وتتمنى تنحف ..

ذي بالذات .. كانت تاكية قدامي وسرحانة

تأملت عيونها قعدت نحاول نخمن أفكارها 

حسيت انها ماهي عارفه شتعدل

اذا استمرت في الأكل تمرض من السمنة

اذا توقفت عن الأكل تمرض من نقص الغذاء !

ماهي عارفه طريقة سهلة ولا سريعة لانقاص الوزن

أنا بالمقابل ماني عارفه نزيد وزني .. 

حسيت قديش أنا وهي مشتركات في رغبتنا السطحية في تعديل الوزن !

كنت نفسي العالم كامل يختفي ونبقى انا وهي لحالنا

كنت نفسي نقولها كلام كثير .. بس ماقلت .

الحمدلله على كل حال .. 

الشي الوحيد المشترك اللي جيت بيه من كل المشيات

انو ماعليا كون نتم نحمد ربي

انو جلدي طبيعي ومافيا أي نوع من الحساسية

أنو عيوني ينفتحو وينقفلو طبيعي

انو وزني أقرب للطبيعي 

انو نرقد في بيتنا

و اني نمشي ونقعد ونتحرك طبيعي

اني نتنفس طبيعي

ونتكلم و نوكل ونشرب ونفكر ونكتب 

إني طبيعية بس 

الحمدلله الحمدلله 

ياربي لك الحمد

ماهو بس الأشياء اللي نملكوها لازم نشكروا عليها الله 

ذيك بديهية .. بس الأشياء اللي ماهي فينا وماحاكمها عنا كون لطف الله

المفروض نشكروه عليها أكثر و أكثر ..

ياربي اشهد اني حامدتك وشاكرتك على ما أعطيتني من نعمك

وما منعتني من البلاء .. الحمدلله 

العذر منك حبيبي والسموح

غار جرح القلب وأجبرني أبوح <3

البارح كنت فالمستشفى مع خالتي

من الساعة 6 العصر تقريباً الين الساعة 3 الفجر 

رجعت مخنوقة بشعور غريب

انا عارفه انو المستوى المادي للناس هو اللي يحدد مستوى الخدمات

اللي يتلقوها في كل مجالات الدنيا

بس فكرة اننا كلنا بشر وكلنا في وطننا 

وتصير الفلوس هي اللي تحدد تعامل الآخرين معانا وتقديرهم واحترامهم

هذا شي يخنق وحقير 

شي حقيييييييييييييييير

نحن كنا في مستشفى خاص 

" مصحة النجاح على طريق الأمل "

وماهو إعلان بقدر ماهو إحقاق للحق

إسلوب معاملة الموظفين لنا 

من حارس الأمن إلى الدكتور الاختصاصي!

< انا نقول اختصاصي واحدهم يجوق فيا 

قال انها ينقالها اخصائي O_o

بالله ش لفرق ؟

بس لأن هو يقول شكاليط جمع شوكولا 

هامو يخلص p: < وحلت فخروجو *_*

المهم نرجعوا لمصحة النجاح

شي خيالي اسلوبهم

أولا المبنى جميل ونظيف ولما تدخل تشم رائحة الشفاء 

كل شي في مكانه وكل شي أبيض 

يعني مبنى على مستوى

الموظفين لطيفين ومحترمين المريض وأهل المريض

طبعاً أنا كنت معجبة باسلوبهم جداً

وكانت الجماعه اللي معايا الا تكرر

بلا جميل عاطيين فظتنا و بلا جميل نحن مخلصين !

عدت نقول لاش عشان حد يحترمنا ويعاملنا بلطف 

لابد نكونوا عاطيين فظتنا ؟

مشتريين الاحترام نحن ؟

انطعنت و سكتت عدت نخرص الممرضين

نقول معقول الين جاو يشتغلو انقالهم فم شرووووط :

من ضمن عملكم انكم ترضوا المرضى واهلهم و تعاملوهم ب احترام

ولا تكشرو ولا تزعلوهم وعالجوهم باهتمام شديد لأنهم عاطيين فظتهم ؟

طيب هذا المفروض يكون شي طبيعي وبديهي !

ما استوعبت

المهم بعد كم ساعة من التحاليل والاشعة و الفحوصات

الدكتور قرر انو يفضل المريضة ترجع لطبيبها اللي كان يعالجها أصلاً

و مسافر ولاهي يجي الصبح مع الصباح " اليوم يعني "

اكتبلنا تقرير و رفع على طب زايد " مستشفى حكومي "

تبات فيه والصباح يطلع طبيبها ويتعامل مع حالتها .. المهم

ومشينا الساعه 2 تقريباً لطب زايد

دخلنا الطواريء 

و أول مادخلت قلت " اتعاكيب الا في الدنيا "

المكان ضيق ومافي اكسجين والرائحة عجيبة 

ذكرني بمسلسل مكسيكي كنت متابعتو زمان 

ماني فاكرة اسمو بس متذكرة البطلة اسمها ايزابيل وممرضة

وتروح تتبرع تعالج مرض في افريقيا ..

والله اني مزلت متذكرة تفاصيل المستشفى اللي نعتوه انو مستشفى افريقي في المسلسل .. نفس نفس طواريء طب زايد مع فرق لون الجدران

في المسلسل لونها اخضر وفي طب زايد لونها اصفر بس

حتى الرائحة لما شميت جيت متذكرة المسلسل وأحداثه ! 

شي غريب

الصراحة ذي اول مرة ندخل فيها طب زايد في حياتي 

غرفة المرضى صغيييرة وفيها اربع سرر بين كل سرير والآخر

مساحة تكفي شخصين وقوف بس !

الممر ضيق وفي سرير عليه مريضة في الممر !

وفي اربع كراسي في الممر !

و في ناس ماشيين وجايين

و في عاملة نظافه تمسح الأرضية !

متخيلين كمية الاختناق ؟

الجميع مكشر بلا استثناء

من عند حارس الامن اللي سألتو 

كاني نقد نوقف السيارة في الداخل الين نعود ماشه

جاوبني بعصبية انو من هون اللي الساعه 4 الفجر

لاهي يوخظو الوتات فر !

قلتلو ماهو فالي تعود عليا 4 هون كاع !

الجو يخلي الشخص الطبيعي يحس انو مضغوط عليه 

انو غصباً عنك تكدر !

تضايقت والله

نخرص وجوه العالم الممرضين الدكتور والمرضى ومرافقيهم

كلهم حزينين حتى أهلي كانو معايا طبيعيين ويردو

الين جينا فم دخلنا في نوع من الكآبة 

دقائق قعدتها معاهم 

كان في قطط تتمشى داخل القسم وبين المرضى

وتدخل غرفة فم مكتوب عليها ممنوع دخول غير العاملين !

الين شفتهم دخلو ضحكت .. ضحكة بكائية حزينة

خرجت وقعدت في الحديقة اللي لكدام

نتنفس و نتأمل الفرق

بين كيف انو الشعب العادي الكادح المستواه المادي محدود

غير انه محروم من الأسرة الفاخرة والسيراميك الأبيض

و الرائحة النظيفة ,, محروم كمان من اللطف 

ومن التعامل بتقدير .. محروم من الحياة !

صعبة الحياة 

صعبة وفيها كمية تناقضات مخيفة

الحمدلله انو في آخرة في نهاية لهذا العالم السخيف

الحمدلله انو في يوم 

كل شخص حياخذ المكان اللي تستحقه روحه 

خلوا أرواحكم نظيفة مهما كانت الدنيا سيئة حولكم

ماعلينا غير تكون نوايانا نقية و قلوبنا بيضاء 

ويوم من الأيام بلا أدنى شك 

سنكون في مكان أجمل يليق بنا .. 

هذا الشي الوحيد اللي مصبرني على الدنيا

ماهو على دنيتي انا وحدي

على دنيا المساكين

المرضى الفقراء وكل الناس اللي تعاني في الحياة

حيجي يوم ويرتاحوا ان كانت أرواحهم تستحق ذلك ...

الحمدلله

نبغى نعدل مشروع خيري 

" وسأفعل "

الله يجعلني باب رزق للمحتاجين

الله يجعلني وسيلة لمعونة كل شخص محتاج

قولوا آمين

كان دائماً  ف بالي اني أنا وسيلة من الله

 ل معونة أشخاص معينين " نفسياً " *حقيقي

ظرك في بالي نكون وسيلة ل معونة أشخاص " مادياً "

حد عنده أفكار اقتراحات ؟

يكلمني رجاءً .. 

و في فكرة صارت مؤخراً في بالي

مانعرف ان كانت صح

انو ماتليت نحب نعطي صدقة أو مساعدة للناس اللي جايه تطلب ..

نحس انو هذا الشخص جاي يسأل لو انا ماعطيتو غيري حيعطيه!

مع ان ماما تصكك عليا بسبب ذي الفكرة

وماتخلي السائل ينرد خايب 

بس انا نحس انو أولى نعطي للناس اللي ماتطلب ولا تسأل ..

 في المستشفيات في المدارس في البيوت 

في ناس ممكن تموت وهي محتاجة بدون تطلب حد

حاولوا تلودولهم .. ساعدوهم 

خصوصاً في المستشفيات .. مايخفاو الناس اللي تستحق المساعدة

لو عندك قيمة 10 ريال = 800 اوقية فقط

حاول تفكر انو في شخص غيرك ممكن ذا المبلغ يعني لو شي كبير 

ملابس مانك مستخدمها ؟

أحذية .. بطانية .. وسادة 

علبة فازلين .. ملحفة .. فواكه .. تمر .. ماء !

 أي حاجة والله بدون مبالغة

تجبر ناس محتاجينها .. أعطيهم لا تستحى 

الدنيا شوينه وفيها ناس متعذبين

وكل حد مننا يشوفهم يقول ف نفسو

لاش الناس مافيهم خير

لاش شي من ذو البطارين مايتبرعلهم ويعالجهم

لاش ولاش ..

ومانشوفوا نفسنا ! 

مانشوفوا انو الاشياء مهما كانت بساطتها اللي ب يدنا 

ممكن تساعدهم وتخفف عنهم

حتى لو كانت زيارة بدون شي ..

والله ماهو من باب شي ولا شي D:

بس نبقي نقولكم موقف صار معايا

مرة ذاك اليوم انا فالمستشفى مع مريم تعبانه 

و مديورلها مغذي في طواريء الطب لكبير

كان في شيبانية بجسمها ماشاءالله ومعاها ولدها ولحالهم

راجل .. جا رفدها من الكرسي ودارها على السرير

وهي ترررجف مسكينه 

تقولو عبدالرحمن اقعد عليا دفيني

وهو مسند عليها بثقلو كأنو مسكنها عن الرجفه ويمرسها ويحجب عليها

جا الدكتور وفحصها وكتبلو الدوا ومشا يشريه

عشان النظام الحقير اللي مكرهني في مستشفيات موريتان 

انو اهل المريض يمشو يشرو المغذي والادوية ويجيبوها

وبعدين الممرض يجي يديرهالو !

يعني احتمال المريض يموت واهلو برا يلودو للعلاج في الصيدليات !

المهم هو مشا وبقات هي ترجف 

الممرضات شايفينها يغير مافي أي مبالاة بالموقف 

الاحساس ميت ..

في عليات في السرير اللي حذانا علقوا وقالو

انو أكيد ماعندها بنات و حد ماعندو بنات مشكلة و قلة البنات صعبة

وجعني قلبي عليها 

مشيت سندت عليها انا عدت مسكنتها

قالتلي ذاك عبدالرحمن ؟

قلتلها لا 

قالتلي عبدالرحمن منين ؟

قلتلها مشا يجيب الدوا ظرك يجيك

قالتلي انتي منهي ؟

ماعرفت شنقولها :(

تخممت نقولها انا خدو 

وقلت ياريت تجي عارفتني وتسكت

عكبت قلتلها الا طفلة من البيظان ..!

تلات تدعيلي ..

كمية المشاعر اللي حسيت بيها فذيك اللحظة مذهلة 

حسيت اننا قريبين من بعض

اننا طبيعيين .. اننا انسانين يعني < جمع انسان 

على فكرة انا نحب كلمة " طبيعي طبيعية "

ومانعبر بيهم عن معناهم الطبيعي -_-

لأ .. نعبر بيهم عن شعور نحس بيه

ومتأكدة انو مايعرفو حد غيري

لذلك ماني شارحتو .. عشان مايتلخبط

خليه طبيعي D:

إنت عُمري

اللي ابتدى بنورك صباحه

إنت إنت  .. إنت عُمري

مافي حد سلك من ملاحظاتي الخاصة اللي ف عقلي 

حتى الناس اللي في الشارع يقطعو من قدامي وانا نسوق

لاحظت انهم انواااع مختلفين جداً 

في ناس مثلاً مايهمها نشوفها أو لا 

المهم هوما يشوفوني ويشوفوا سيارتي ويجو ويقطعو قدامي

وتوف !

نتم فجأة الين اراعي شخص واخظ من قدامي !

مجانين .. مايهمهم نظرة الناس لهم 

متخيلين انهم يعرفو كل شي .. و مغرورين !

في ناس يكفي نشوفهم ونخرصهم عشان يمروا من قدامي

انا شايفتهم بس ماخففت السرعة ولا سمحت لهم يوخظوا !

قياديين و واثقين في نفسهم بزيادة

و واضحين !

نوع ثاني من الناس محدي ماعطيتهم اشارة العبور بيدي 

وابتسمت وقلت تفضلو

 مايقطعو من كدامي يتمو واقفين فم !

مترددين و يخافوومانهم واثقين في نفسهم

 و يهمهم الآخر و رأي الآخر !

في اصه النوع الحقير

نوقف لهم ونقولهم تفضلوا 

يقولولي لا امشي انتي 

والين نمشي يقطعوا ورايا !

حقييييييرين 

مايوثقوا في أي حد و موسوسين !

و بس والله الا انا طفشانه و ماغير نحلل شخصيات اهل الشارع D:

وعلى الطاري 

في الدنيا انت محتاج تكون زي القطار الذي لايتوقف 

سواء كنت بطيء أو سريع .. المهم أن لا تتوقف 

من شاء فليرافقك

من تأخر فليبقى بالخلف

من توقف فليبقى حيث توقف

لا أحد يعرقلك ولا أحد يمكنه تغيير مسارك .. 

اوك ؟

ليه أنا أهتم ؟ ليه أوله عليك ؟

ليه مايرتاح بالي إلا قربك ؟

ليه إنت اللي من العالم أبيك ؟

مالها تفسير إلا اني أحبك <3

ايوه على طاري الآسئلة وليه وليه  تذكرت الآسك

في سؤال جاني وماحبيت نجاوبو هناك

حسيت انو خلاني نبقي نكتب تدوينة 

لذلك حنجاوبه هنا ونتفلسف براحتي 

السؤال كان :

اذا كان مدح"خدو" وجها لـ وجه أكثر تأثيرا

فـ لماذا لايحبذ الا في الظهر.#^ـ^

سؤالك خلاني ننتبه لنقطة 

انو أغلب أغلب اللي يمدحوني ويشجعوني ويقولولي اكتبي

ويقولولي نحبوك ونحبو تدويناتك 

أغلبهم يكلموني بالمجهول .. مانعرف منهوما !

ليش ؟

مع انه على قولتك مدح الانسان وجهاً لوجه أكثر تأثير

بس نحن للأسف " وأيوه نعمم الجميع "

كبرنا في مجتمعات و من طفولتنا

متعودين انو اذا تبغي شي عند حد

انا طفلة مثلاً نبغى حد يعطيني حلاوة

نكون مضطرة نبوس خده أو نقولو وني 

او  نقولو نحبك !

مافي فكرة ان الطفل يعبر عن حبه بلا مقابل 

لأن الطفل في الأغلب مايسمع كلام حلو وتقدير وتشجيع

إلا إذا كان مُراد منه مقابل

انو لما تسوي كذا تكون حبيبي وتكون شاطر وتكون وتكون ..

المدح و الكلام الجميل .. أشياء من الطفولة يتعلم الشخص يتعامل معاها وبيها ..

و الين يتعلم انها دائماً تستخدم لغاية ما ..

من الطبيعي انو نكبرو ونحن مانقولوا لحد كلام حلو غير ونحن طامعين منو شي

ولا حد يقولنا كلام حلوويمدحنا إلا وحسينا انو طامع مننا شي !

مافي حد متخيل انو ممكن حد يمدحه ويحبه بدون مقابل 

انو اكيد حينفهم طامع او منافق او يجامل او عنده غايات أخرى ؟

ليه لأن المجتمع كامل يتعامل بذي الطريقة للأسف

ف خلاص نمدحك في ظهرك 

او نمدحك بدون ماتعرفني 

احسن من انك تشك اني نجاملك ولا ندور عندك شي ..

غالباً هذا هو السبب برأيي

الحب نعمة مش خطيّة

الله محبة

الخير محبة

النور محبة ..

يارب

تفضل حلاوة سلام أول لقا ف ايدينا

و فرح أول معاد منقاد شموع حولينا

و يفوت علينا الزمان يفرش امانه علينا ..

ودعناكم لله لا مشينا بباس

ولا خليناه ورانا <3

< تواديعة متعلمتها جديد D:

حلوة صح ؟

monte escalier