*تدوينة مرة قصيرة -_-*
حبيبي يا أنا يا أغلى من عنيا
فداك قلبي اللي حبّك :$
امشي فوق جرحي
فوق دمعي و غني
ولا تنزلش دمعة .. ليلة فوق خدك !
الحمدلله الحمدلله ألف مبروك .. خلاص وفيتي نكطع لك تذكرة جاية ؟ بابا Said
ماكتلك انك بطلة ؟ *أحدهم Said
ياربي حامدتك الله يبشرك بالخير وطول لعمر *ماما Said
ألف مبروك ، برور الوالدين مايجي من وراه كون الخير *خالي Said
من أجمل العبارات اللي انقالت لي بمناسبة تخرجي <3
متخيلين ولا نقولكم ؟
كل جملة من ذو كيف تأثيرها عليا !
بابا ضحكني انو خلاص وفات دراستك وهاي جايه هههههه
حسيت ب فرحة ف صوته .. غريبة ماقد حسيتها
حسيت انو فخور بيا حسيت انو مبسوط كيف كان يكرر عليا الكلمة ..
تخرجتي ؟ نجحتي ؟ خلاص ؟ وبين كل كلمة والثانية يقول الحمدلله <3
ماما يادوب قالتلي يبشرك بالخير وطول لعمر الحمدلله الحمدلله
وقفلت الخط و ماخلات حد من أهلي واخوالي ماكلمتو وقالتهالو
لدرجة اني ماكلمت حد منهم لاهي نعلمو ماجبرتو يباركلي سابق نقول ألو !
ياربي كمية سعادتها بيا بكاتني :(
خالي من الناس اللي مايعبر عن مشاعره ولا يبين لك انك كويسه ..
ذاك النوع اللي لماتغلطي يقولك غلطتي
ولما يسكت عنك معناتو انتي تمام .. بالأكيد أنا ماهو دايماً ساكت عني
إلا دايماً يقولي اني غبيه ههههههه بس حبيت حبيت المجهود اللي بذلو وحسيت بيه
عشان يوصلي فكرة اني كويسه .. قالهالي حتى بدون مايخرص فيا
قالي برور الوالدين مايجي وراه كون الخير !
شي ف قلبي قال اطحن .. أنا بارة ؟ ماكنت طامعة مع كل محاولاتي انو ننوصف بالبارة
وصف عظيم على فكرة وماهو أي حد يستاهلو !
الله يجعلني وياكم من البارين الشاطرين
أحدهم كان واثق من نجاحي .. واثق أكثر مني
كل مرة كان يقولي انتي ناجحة انتي متخرجه انتي بطلة ..
نحس انو انو فعلاً حيحصل و فعلاً حصل !
قالي كثير كلام انحفر في عمق عمق قلبي .. قالي انا فخور بيك ..
حضنّي معنوياً و روحياً ..
ومافي أجمل من كذا والله والله .
ماهو ذا كدو الكلام اللي فرحني و طيرني
كثير من كثير ناس و كثير حبايب
شي مانعرف كيف .. انبسطت بسعادتهم أكثر من فرحتي بتخرجي !
قعدت نفكر بفرحتهم يوم نشر المقال و يوم تخرجي !!
لما ننشر كتاب و ناخذ الدكتوراه ؟ اش حيصير ؟!
يارب مايحرمني من أحبابي ولا أهلي و لا كل اللي يحبوني و نحبهم <3
على الله تعود على الله
ياضايع في ديار الله ،
شوفوا
صح ماني ماخذه دكتوراه ف الفيزيك ..
و صح اني من أكسل أكسل البشر في العالم دراسياً
ياخي لدرجة اني مبسوطه ب معدلي الزفت
اللي الله أعلم اذا في جامعة حتقبل تسجلني بيه ماجستير !
الفكرة في نجاحي أنا خدو الكسلانه
اللي كانت تنام نص المحاضرات ونصها الثاني نرد ونضحك
اللي كانت ماتتذكر الدراسة الا ايام الامتحانات
و تهلك نفسها دراسة عشان تنجح و يادوووب تنجح
تخرجي شي عظيم والله .. كافحت أنا ..
جاهدت ضد نفسي الكسلانة عشان نتخرج !
مش حتفهموني بس أنا فاهمتني
و ماما فاهمتني و أطفالي حنحكيهم وحيفهموني .
وافرح اذا شفتك وحسيتك بخير
فرحة ضرير شاف من بعد العمى !
البارح حلمت بشي غريب .. مع اني دائماً نحلم أحلام عجيبة الحمدلله
ومانحب نتكلم عنها
مرات نادرة نحكيها لأشخاص معينين
و مرات نحتفظ بيها بس ذا الحلم نبغى نقولوا !
حلمت اني ف مكان ما .. مليان ثلج .. كل شي متجمد من الثلج حتى السما
كل شي أبيض .. وماكنت بردانه كنت ماشه عادي
اش جبرت ؟
جبرت ناس كثييييييريييين معدلين شي زي السلاسل
كل مجموعة معدله دائرة .. واقفين مدنكسين على الارض كأنهم راكعين
و فنفس الوقت ايديهم ماهي على ركبهم !
ايديهم على " جمع ظَهرْ " بعض
كل واحد أو وحده راكع وايدو على ظهر الي جنبو
و يحرك يدو على ظهرو كأنو يدفيه !
فاهمين ذيك الحركة الي تعدلها على ظهر حد تبغى تواسيه ؟
تحك له ظهره ب راحة يدك؟
يعدلوها لبعض ! وهوما كثير جداً ..
قلت انا اش هذا هوما امالهم ؟
قالي حد مانعرف منهو .. ذو قررو يتمو كذا فالبرد
متضامنين مع اطفال الغزة اللي مجمدهم البرد !
بس وجيت واعية !! غريب صح ؟
عارف .. عارف كل الخوف من بكره دا ليه؟
وعارف سر عذابي وحيرتي دا ليه ؟
علشان انت الروووح للدنيا اللي بعيش فيها
وانا من غيرك كل حياتي .. تضييييييييييع بعديها !
من طبيعتنا و من طبيعة الحياة انو كل فترة تتجدد علاقاتنا
صداقاتنا .. الناس اللي حولنا .. أكيد في ناس ثابتين
بس في ناس مواقعهم في حياتنا تتغير كل فترة
يقربوا يبعدوا يرجعوا يمشوا
الجميل في الموضوع انو نحن يكون عندنا نوع من المرونة
يعني دام الشخص ابتعد بلا باس.. لما يرجع المفروض يرجع بلا باس ..!
مانعرف .. skip it
اللي نبغى نقول ان من الأشياء اللي تحسسني اني بطلة حقيقية
لما حد من اصدقائي *اناث وذكور* يكلمني لأن محتاج حد يفضفض لو
أو عندو مشكلة ومحتاج استشارة .. ونلاقيني ببساطة حليتها
أو ببساطة غيرت المود وخليتو يضحك !
شعور جميل والله
و يارب مايشكيلي حد من احبابي مامشا من عندي مبسوط ويضحك ..
و يارب ع قد مانسعدهم .. تسعدني ب أحدهم و تفرحني بيه :(
و ع فكرة ياريت اللي يتوقع مني نستحى منو أو مانعبر عن مشاعري قدامو
لاتلا يدخل مدونتي .. لأن أنا بني آدمه و عندي مشاعر
ومانحب نكبتها ومانحب نجحدها
ولما نحب حد نصمك بيه العالم خليهم كلهم يكرهوه ويخلوني انا نحبو لحالي D:
و بالمناسبة مزالت ف روحي غصة من كلمة كط قالتهالي وحدة من البنات اللي مانعرف يكانها تعرفني .. ومانعرف كيف نفسرها بس انو مزالت واحلالي من أكثر من شهرين مع اني والله ماني زعلانه منها ونحبها !
قالتلي نفسي تعطيني شوي من جرأتك مع الرجاله ! :)
مانعرف مانبغى نقول اش حسيت
وحقيقي آخر همي .. لا ما آخر همي
يهمني بس ماهو لدرجة اني نتأثر من أي حاجة
قصدي انو ماتفرق معايا نظرة أي حد لي .. دام أنا واثقة فنفسي وعارفه ش قاعدة نعدل .. كان ممكن نحب شخص ونربط نفسي بيه ونهيم ونجن معاه
بدون ماحد يعرف .. و ب أي اسم مستعار زي الكثيرات
نقعد نكتب ونعبر !
بس أنا و معلمني بابا اني اذا ماني معدله لحد شي خاسر
ولاني معدله شي يحشّم .. يحول بيني مع شي يحشّم
انو مانخاف من حد و ما لحد عندي شي
والزعلان يحلق شعرو D:
<ماكنت نتكلم عن الاصدقاء ؟! مجنونه :(
المهم باط الدنيا زوينه وقتك راضي
وشوينه وقتك زعلان :*
و أكدب ف نفسي الشوق
واتبسم و انا المحروق
و أنا راجع أشوفك ..!
ذيك الليلة كنا جايين انا وماما من مانعرف وين
كنا بعد ف شارع مظلم و شوين
المهم صدمت ف سيارة تاكسي كانت قدامي
ونزل امنادم من سيارتو ونزلت انا طبعاً نشوفو الأضرار وهيك
ماصار شي الحمدلله
لدرجة اني لمردة نسيتها من وقتها ذاك الى ذي اللحظة جات ف بالي
المهم الين نزلنا هو عاد يقولي انتي امالك انتي امالك
انا نقولو انا امالي شنهي انت الي وقفت فجأة !!!
يقولي وقفت فجأة شنهي ! انتي ماتخرصي قدامك ؟
انا نقولو ماصار شي خلاص اسفه ياخي ..
ضاعت حسانيتي وعاد لحرطاني الا يضحك
شكلو شك اني ماني من اهل موريتان
*بس يالملامح الفرنسية*
المهم انا اللي ضيع حسانيتي انو فجأة لما صدمت فالتاكسي
وقفو سيارات حولنا وعادو ينزلو الناس يطمنو وكذا لأنهم شايفيني بنت ..
المهم فجأأأأأأأأأأأة نزلو الشبييبن من السما ..
نخرص حولي كل السيارات فيهم ناس حلوين حتى لعليات شبيبات !
قالي امنادم ايوه تمي خرصي قدامك ومشا
لفيت انا بعيني حولي نتأمل في ابداع مولانا و مشيت ركبت سيارتي قلت لماما انتي ملاحظة الخلق اللي حصر علينا ؟
حاسه انهم اهل لخلا :((((( قالتلي اهل لخلا اثرهم زينين ؟! D:
أمشي في السكة أشوف نفسي
كدا حلوة و روحي عاجباني
أتمنى أقابله ولو صدفة
و يشوف ملحفتي وفستاني <3
كنت نكلم مؤيد وكان يوكل شي
قلتلو مؤيد شقاعد توكل سلعتني :(
قالي " الله لا يسلعك بيه ماهو شي يسلّع "
ضحكتني الدعوة من ذاك النهار الى الان
قد ماني متوحشه تعبيراته الخبلة
وذاك اليوم يبغى يقول " حطمت طموحك "
يقول " حمطت طحوحك " هههههههههه ياوني ياناس
أجمل نساء الدنيا
جوا عيونه أنا <3
سبحان الله من الدنيا
يامس كنت مسخنه وتعبانه ومسدوده نفسي عن الحياة بما فيها
كلمتني وحده قالتلي النتائج تطلع بعد ساعتين .. فجأة بريت
قمت نلبس فنفس الوقت و صدفة عجيبه كلمتني مليكه .. اللي صار لها يمكن سنة ماشفتها و لا شافتني
قالتلي انتي فالدار ؟ قلتلها ماشه ناخذ نتيجتي قالتلي حانيني جايتك
لا نسيت .. الليله الي سابقها انا حلمت اني مشيت معايا منوتا و اخذت نتيجتي ونجحت !
المهم أصريت ناخذ معايا منوتا ك نوع من التفاؤل
و لأنها صديقة الدراسة ولأنها أكثر وحدة في العالم تعرفني دراسياً
و حاسه بشعوري وفاهمتني .. دراسياً قصدي ،
المهم جات مليكه وطلبتني فايزه تمشي معايا و عديت على منوتا
وخطفتها مع انها مشغووووووولة وتصكك ومنفكعه اني ماشه بيها محقرها
وانا مطنشه مجمدة وجهي نقولها يعملك يعملك ماني ماخذه نتيجتي بدونك :(
هههههههههه جيت الجامعة معايا فريق كني جايه ندايق
بس كنت حاسه بالأمان ف وجودهم وانو يعني حتى لو رسبت حيكون معايا حد يسكتني الين نبكي
مع انهم طول الطريق يقولولي الين تبكي لاهي نمشو ونخلوك وحدك !
جينا و كان صف طابور عند باب غرفة الاساتذة كل شخص يدخل يستلم نتيجتو وحدو
و الطلاب اللي فم تعاطفو معايا دخلوني اول وحده يمكن لأن واضح عليا مريضة ولأني متخرجة في نص السنة
وهوما عادي يعني مزال عندهم سمستر .. المهم دخلت نرجف بمعنى الكلمة
لابسه شال ثقيل مع ان ذا الظهر والدنيا حر بس انا بردانه :(
عطيت لمنادمه كرتي و وقعت و قعد منادم اللي حذاها يلود لكشف درجاتي
طبعاً الطريقة عندنا ف موريتان جداً تقليدية ..
مافي تعرف نتيجتك من النت و لا من أي مكان غير ذيك الغرفة يطلعولك منها ورقة فيها درجاتك ،
توقع انك استلمتها وتطلع .. المهم انا تميت مغمضة عويناتي نحانيه يجبر ورقتي
الين قال كونجراتيليشن خديجه ! ماحسيت بنفسي الا وانا نعيط وووووواااااااااووووووووو
انخلعو الناس و اللي برا قالولي انهم عادو يقولو هي جنت امالها !
وكمت نجري خارجه و لمرة تعيطلي تيك يور كارد تيك يور كارد الا كيفت الي تعيط عل الجدور ههههههه
عكبت فقت شوي ورجعتلها اخذتها وشكرتها قلتلها " شكراً ثانكيو ميرسي D: " عادت الا تضحك
خرجت طبعاً وانا من النوع اللي لما نفرح مايبرد قلبي كون حضن
لو نحضن جدار لو نحضن السيارة اي شي المهم نكنطط ف شي
و هاااتك يا احضان لصحباتي و لكل الناس وبس رجعت البيت
وانهمرت عليا الرسائل والمكالمات و التهاني وكل حاجة
وكانت مليكه معايا سمعتني قلت الدحسه .. سولتني لاش
قلتلها تعبت من كثر مانقول الله يبارك فيك !
قالتلي احمدي ربك الي مانك راسبة وقاعدة تجاوبي المواساة !
طبعاً معاها حق و الحمدلله على كل حال وانا غبيه
بس برضو قلتلها لو ماكنت ناجحه ماكان حد لاهي يسأل عني ولا يكلمني :/
قالتلي شلاهي يقولولك كاع ؟
قعدنا نفكرو شوي دقائق صمت بعدين قلتلها
أصلاً كافي يفرحوا معايا .. وقت الحزن أنا نعرف ندبر نفسي لحالي :)
أحبك حب ورب البيت
حلفت وربي يسمعنا
و واثق انك تحبني
تموت وتعرف أخباري .. <3
الناس لما تخلص دراستها كلهم يقولو كانت ايام حلوة ومانعرف اش
أنا بعد قايلالكم عنها كانت ايام زفتته و اقيق ومانعيدها ولا نتمنى نعيدها والحمدلله انها خلصت
و توبة ندرس انا ولا حد من أطفالي في انواكشوط ولا مدارس انواكشوط ولا جامعة انواكشوط !
أيوة ناكرة الجميل مايخصكم ! D:
أنا أحبه و أعشقه
حياتي فيه متعلقة
لو قال لي لون البحر
أصفر ! أكيد بصدقه <3
هههههههههههههه نوع من السلبه فذي الاغنية يكتلني بالضحك
ومع كذا تنهولني ونحبها D:
كثيرة الدعوات اللي جاتني مع التهاني .. كثيرة جداً
خلاتني نلاحظ شي زوين .. الناس لما يحبونا يدعولنا بالأشياء اللي هوما يحبوها
يدعولنا بالأشياء اللي هوما شايفين انها رائعة .. يدعولنا على ذوقهم يعني
طبعاً عيب ومانقد ومالي حق نتشرط على حد نقولو مانبغى ذا الدعاء نبغى كذاش !
ناس يدعولي بالزواج .. انو خلاص تخرجتي ماتلا عندك عذر يلا تزوجي !
ناس يدعولي للأمام ويارب تكملي ماجستير وتتوفقي في دراستك .
ناس يدعولي نصير كاتبة يلا تفرغتي للكتابة أبدعي وطوري موهبتك !
ناس يدعولي بالسعادة .. ناس يدعولي باللي نبغي !
ذو اللي أنا نحبهم صراحة ، مافي أجمل من انو حد يدعيلك الله يبلغك مناك في الدنيا والآخرة
بس ومالكم شغل فالباقي .. أنا ادرى باللي نتمنى .
طبعاً كل الدعوات تفرحني وتبسطني ووني بيها وكل شي وتجنن
بس انو لاحظت هذا الشي
وعدت كل حد يدعيلي نحلل شخصيتو وطريقة تفكيرو ههههههه
< فاضية طيب تخرجت ياكجكم p:
لا الحق ، الفكرة من ذا ان الناس مستحيل يكونوا نحن
مستحيل يعرفوا عننا شي ماقلناه نحن لهم
فلما نكونوا ساكتين وماحد يعرف رغباتنا المفروض مانلوموا حد لما يقيسنا على نفسو أو يتوقع مننا شي بعيد من اللي ف داخلنا !
^^^
الفكرة مالها علاقة بلمردة نعرف ^^
عارف .. عارف كل الخوف من بكره دا ليه؟
وعارف سر عذابي وحيرتي دا ليه ؟
علشان انت الروووح للدنيا اللي بعيش فيها
وانا من غيرك كل حياتي .. تضييييييييييع بعديها !
في موقف صار لي السنة اللي قبل الماضية
ممكن نكون كط اكتبتو بس حقيقي مزال يضحكني و مزلت نتذكرو
أيام ما انسرق جوالي قبيل ماهو ظرك .. ونفس الايام قبلها بشوي مسروقه لابتوباتنا
أيام اللي كنت مرعوبة من السراق ..
المهم في شارع في كبيتال غريب تقول انو نسخ و لصق
بدايتو على يدك اليمين في " خطاط قدامو شجرة كبيرة " و على يدك اليسار بقالة
تتخطى شوي على نفس الشارع يجيك " خطاط قدامو شجرة كبيرة و على ايدك اليسار بقالة !
وكانت ايام العيد و مواقف المرصة تقفلها الشرطة
ف لازم توقف بعيد وتمشي للمرصة عل كرعيك عشان ماتصير زحمه
المهم انا معايا عفاف ،، وكفت ف ذاك الشارع قدام الخطاط والشجرة بالضبط !
خلصنا تسوق ورجعنا بعد المغرب نجي للخطاط والشجرة سيارتي ماهي فم !
" طبعاً أنا ماكنت منتبهه انهم خطاطين وشجرتين وبقالتين ! "
قلتلها عفاف سيارتي انسرقت !
قالتلي حلي انسرقت شنهي لانعودو مضيعين عن مكانها !
وانا لا مستحيل متأكدة انها قدام الخطاط و الشجرة وشوفيهم ماهي حذاهم
وشوفي البقالة قطع الشارع شريت منها مويه ياعفاف لاتجننيني
سرقو سيااااااااااااارتي :(((((( ينسخهم يكتلهم والله ماني !
وهي تهديني وتسكتني وانا نقولها شفتي سيارتي الين تنسرق مع لابتوبي وجوالي
والله والله دني نسافر بكرة عن موريتان وماتليت نرجعلها ذا ماهو ساوي ماباقي كون يسرقوني انا !
يعني تأثرت جداً ههههههههه
المهم قالتلي تعالي نشوفو نحن اكيد وقفناها على ذا الشارع لايعود قدام ..
ومشينا شوي مسافة وانا نفسيتي متحطمه
إلا شفناها ,واقفة ماشاغل فيها الذيب و خطاط وشجرة و بقالة !
ماني قايلالكم ردة فعلي -_- المهم اني اعتذرت لموريتان وماسافرت D:
أصحى بالليل من غير داعي
على صوت من جوا بيندهلي
أفرك في عنيا و أقوم خايفه
ألاقيني قصاد قلبي و عقلي
العقل يقول سمي ونامي
والقلب شفايفو تودودلي ! *Factual song*
يداتي وجعوني ولسه ماحسيت برغبة في إنهاء التدوينة !
مع اني اخذت فاصل بكائي رهيب و هذه رجعتي منو !
سلطانه ماهي من الصديقات اللي انا متواصلة معاهم بشكل يومي
مرات نعطو اسبوعين مابيينا تواصل
بس هي من الصديقات اللي ملتصقين في الروح .. قريبة مني
هي أختي اصلا .. انولدنا صديقات من أمهات صديقات منذ الطفولة
أنا مُسمية على مامتها وهي مسمية على مامتي
المهم مالكم غاية بالتفاصيل بس اللي صار انو انا اول ما استلمت نتيجتي
كلمت ماما و بابا و بعدهم مباشرة كلمت مامتها خالتي خديجه ، حتى قبل خالتي الحقيقية كلمتها .. دعاتلي وباركتلي و قطعت ومن وقتها انا نستنى اتصال سلطانه وماتصلت طول الليل البارح واليوم وانا واحلالي بكية انو ليش ماباركتلي !
امها ماقالتلي انو فيها شي .. المهم الين عاد الظهر انغلكت نفسي رسلتلها مسج عتاب! اتصلت مباشرة و انا مارديت وبعدين قفلت جوالي و طنشتها اليوم كامل
الين ظرك اتصلت وانا نكتب .. رديت عليها من أول ألو انفجرت باكية زي الخبلة
و ماكديت نكمل المكالمة وقفلت الخط
بعد شوي هديت وسترخيت كلمتها.. مزالت تبررلي انها مريضة وكانت فالمستشفى يامس .. انفجرت هي بكاء كمان وزعلت لأني اصلا كيف نزعل انها ماكلمتني وانو مافم عظام ومانعرف اش وقفلت الخط
وعطينا ساعتين كل مكالمة مدتها 5 دقائق تنتهي بوحده منا تبكي ونكفلو الخط ههههههههه
الين تصالحنا وتصافينا وخلصت البكيه
واتفقنا اننا اثنتين غلطانات و زويقلات و الحمدلله
ورجعت نكمل تدويني مع الكثير من المشاعر و الحب و الشجن ..
قاعدة نسمع مقطوعة موسيقية من عزف منير بشير ينقالها تقاسيم راست !
شي يريح المخ بشكل رهيب ..
ياريت نقد نكتب الموسيقى زي مانكتب كلمات الاغاني اللي نحبهها :(
جبرني وداد الحبيب المليح
انا به متيم وهو مستريح
و مرة نغني ومرة نصيح
و جرح المحبة عسرني دواه !!
<مدري وش احس بوه وانا مدمنة على اغنية تريد الهوى D:
مرة في الامتحان حكمو واحد داير حولي متعمم بيه وداير السماعة ومشعشع يغش
كلعو منو السماعة و كامت عليه الصكه وسامحوه
قام المراقب قال معناها كاااع انو ذو الناثي الي متلفلفات كلهم دايرة شي ف وذنيها !
قام جا قال لوحده كَوريه قاعده قدامي .. كشحي عن وذنيك نشوف
جات لايحه عنها الملحفه وزركتها اعشر شوفات نعتتلو رقبتها ووذنيها انها ماهي دايرة شي !
وانا من النوع اللي اي اي صوت او حركة وقت الامتحان نجي رافدة وجهي وماتليت نكتب حرف محدهم ماسكتو كاملين وهناو !
المهم ذاك الوقت عدت الا نخرص تفتشيو للكوريات و آآآآآخر شي آخر شي نتوقعوا انو يقولي انا نكشح عني !
تخيلوا وشيباني من البيظان .. صد عليا قالي ايوه انتي نشوف !
من شدة الصدمة كبظني موطس
قلتلو اصل بقيت ماشفت .. تلا يرفع صوتو عليا طاعنو اني نضحك
اكشششحي قلتلو انت مجنون !
حكلل نكشحلك عني لباسي بيا عزة اش ؟
وذيك الي قدامي تمد يدها تدخلها ف وذني من فوق الملحفة تقولو
" هو ما أندو سي ماهو داير سي "
هههههههه المهم ان اللي مايعرفك يستخسرك هي الحق !
وان الشوابين ماهو كلهم عاقلين والله والله
زي الشيباني الثاني كنا فمرصة كبيتال ومااافي مواقف زحمه
شفت وحده لاهي تخرج تصيب مكانها جيت جنبت وراها نحانيها تخرج
جا شيباني مدوبلني وهامو يدخل
قلتلو هيه ذي بلاصتي !
خرصني بزر عينو تخراص الشاشرة الزويقلين استغفر الله
وجا واقف فيه !
قلتلو ذا ماهو كدك بعد :/
تميت فالسيارة نحاني واحد ثاني شايفتو لاهي يمشي
قالي هو شوفي شوفي ذاك ماشي اوكفي ف مكانو
قلتلو ريح نفسك !
قامت ماما تصكك عليا اني قليلة حيا ولساني طويل
بس يعمل ماقالو حد يكزر بلاصتي موثقو
نكره ذا النوع
أطلبني نعطيك وبطييييب خاطر وعلى زين حيلة
بس تستغفلني ، تستغلني
تسرق عليا ، تكلع مني
مانسمحلك إلى يوم الدين
ولا نخليك بيها ما استطعت .
#خدو الشريرة -_-
مع اني بالعادة كنت مطبقة قاعدة مريحة
دايماً نقول لنفسي وانا نسوق انو تصرفات السائقين وسياراتهم
ما المفروض ناخذها على محمل شخصي !
مايعرفوني ومهما كان تصرف الواحد منهم سيء وسخيف وغبي
الأكيد انو مايقصدني انا خدو لأنه مايعرفني
ومهما عدل المفروض مانعتبر انو شي يمسني شخصياً !
ف نطنش كثير حركات و نعتبر الموضوع مجرد لعبة سيارات أو شي كذا وكلنا مانعرفوا بعض ومانحبوا بعض ولانكرهوا بعض ..
خصوصاً ان السواقة ف انواكشوط من أكثر الأشياء في العالم
اللي تطلع الانسان من طوره !
المهم الله يعفي عني و عنهم جميعاً
والله تعبت كتابة وماني كاده نسكت !
خير امالي كابظني التهربيل :(
_انت تمرض وانا نهدرز؟-
_سلامتنا ياعمري_
^^
خارج النص شويه :$
عارف انا نفسي ف ايه ؟
أنا نفسي ف بيت بيطل عليك !
تبقى انت الشارع و الناس
تبقى انت الصاحب والجار
تبقى الشمسايه اللي بتطلع مع كل نهار <3 :(
آآآآآه
تعرفوا شعور ان الله يحبك ؟
كط حسيتوه ؟ _ إذا لا ، ماشكيتو عليا.
أنا صرت نحس بيه
ماهو من ناحية انو تصير معايا اشياء جميلة
او يحبوني الاطفال أو يكون حظي زين !
لا والله
حتى وانا حزينة حتى و انا نبكي
حتى وانا متنقسة من حلم ملخبط
يجيني شعور غريب
نسمة هوا تجي ف قلبي تخليني نشهق فجأة زي كأني نتفرزز..
والله ماني عارفه كيف نعبر عنو
بس حقيقي يجيني شعور ان الله يحبني .. يارب يكون حقيقي
يارب يكون صحيح يارب
قولوا آمين
يارب تحسوا بيه كمان
الحمدلله رب العالمين
وعنكم مرة ثانية الين نقولكم تدوينة طويلة
قولولي ماهي حق p:
*مسج خاص : آيّا تخرجت يا أمين
و صارت كبيرة وبطلة ومبسوطة
ومشتاقة لضحكتك وصوتك
ومتأكدة انك سعيد بيها و بنجاحها
، وكل ماتسمع شكراً ياماما ..تحب ماما بزيادة
و تدعي لك و لمامتك <3
الله يرحمك ويغفرلك
مع السلامة
قطعا مرة قصيرة
ردحذفمبروك مره اخرى