عرش لعلندة

لو شاوروا وقالوا عليك طيب 

خليك هنا من قلبي قُريب <3

الليلة منقهرة على بحيشيشة أنغام

الليلة كمان كان في مطر كثير على انواكشوط

أنا ماخرجت وقت المطر بس كنت سامعة الصوت وحاسه بالمطر

خرجت بعد ماتوقف .. وقفت عند باب دارنا 

خرصت شارعنا .. حسيت بشي غريب

المنظر غريب ماهو من المناظر اللي ممكن يشوفها أي شخص

يعني قصدي ماهو منظر متاح لكل سكان الأرض 

شفت مستنقعات مياه كثيرة في الشارع

ظلام دامس و شعلة ضوء صغيرة من فوق باب جيراننا 

الضوء عاكس على الماء و مخلي فيه لمعة ملفتة 

ممكن تشوفها ملفتة وممكن تشوفها مرعبة 

فنفس الوقت صوت الضفادع مرتفع جداً لأنها كثيرة ..

الفكرة إنو لما نخرصوا أي منظر حولنا مهما كان اعتيادي و طبيعي

 و مايحرك فينا أي شعور لما نخرصوه بنظرة انو

 " نسبة ضئييييلة من البشرية اللي متاح لها تشوف ذا المنظر و ممكن تكون معدومة قاع

 يمكن تكون انت الوحيد اللي شايفوا "

 تحس انو شي واو ^_^

مانعرف كيف بس جربوها

تأملوا ف أي شي مقابلكم أو حتى أي وجه بني آدم 

و فكروا كم شخص مامتاح لهم يشوفوه زيكم

أكيد في سبب أكيد خلاكم انتوما بس اللي تشوفوه ..

ف حاولوا ماتضيعوا الفرصة انكم تشوفوه بشكل متقن

 إذا ماقديتوا تعرفوا السبب ع الأقل ماتندموا بعدين لما تفقدوه

 أو تحتاجوا تشوفوه مرة ثانية وماتقدوا !

خد قلبي وهات قلبك هاتوا ..

يابو قلب حياتي ف دقاتو

الحب دا عقد من الياسمين

و قلوب العشاق حباتوا <3

أنا من الناس اللي حدسها قوي ماشاءالله تبارك الله وبسم الله الرحمن الرحيم ..

 بس للأسف ماكنت نعرف نستخدموا ومزلت مانعرف بس قاعدة نحاول نتعلم 

*أبداً مانقرا كتب علم نفس ولا تطوير الذات ولاهي من اهتماماتي*

يعني قاعدة نتعلم لوحدي قاعده ندرب نفسي إني نركز على حدسي 

نقولكم كيف .. 

مثلاً يعني أنا في شي تكرر معايا عشرات المرات قبل لانقرر نهتم بحدسي

جدياً كنت كل مرة نمر بسرعة و نلمح كاسه مثلا مطروحه فالمطبخ على حافة المغسلة

مباشرة يجي ف بالي انو ذي الكاسة لاهي تطيح وتنكسر بس لأني كسوله و عجولية ومانركز

 مانحركها من مكانها ونتجاهل الفكرة و فعلاً دقائق وتطيح وتنكسر !

أو نلمح جيرة فيها شراب أو شي و نفس الطريقة يجي فخلاكي انها لاهي تنكب و فعلا تنكب !

وداااايما كانت تصيرلي ومزالت وكنت كل مرة نحمل نفسي المسؤولية

 نقول اوف المفروض نعود غيرتها أو حركتها من مكانها !

الفرق حالاً إني عدت مجرد مايخطر ف بالي شي أو حدسي يقولي شي

مباشرة نفترض انو أكيد و نتصرف على ذاك الأساس 

وفعلاً مانندم .. صرت نرجع ونغير مكان الكاس و نرفد جيرة ازريك و سطلة لماعين 

و نخفف سرعتي وانا نسوق

 و نطرح الجوال لما نحس انو ممكن نعدل حادث بس لأني ساهية فجوالي ونسوق !

صرت ننتبه لحدسي أكثر وحاسه انو شي جداً مفيد ..

 مع اني الين بديت نركز عليه ماتليت نحس كثير يمكن صار أخف كأنو استحى وهرب مني ..

 بس أكيد أفضل و انتباهي و احترامي لو معطيني شعور أريح :)

مانعرف إذا هذا شي يصير لكم أو لأ

بس إذا يصير حاولوا تنتبهوا لو 

وعموماً أنا كاتبه عنو أصلاً بس عشان ماننساه ف يوم من الأيام ..

 عشان نرسخ الفكرة ف عقلي

وعشان نتم دايما منتبه لحدسي وماننضطر ف يوم نقول بندم " اوووووه كنت حاسه ! "

جدددددددداً حبيت كيرك هنسلر" اللي أول مرة نعلم بخلاقتو"  لما قال : 

 * أكتب لأفهم ذاتي. أكتب لأفهم شيئًا صغيرًا عن ذاتي ثم أقوم بتغيير بسيط لأصلحه، أو أبتلع كبسولة القبول والرضا، وأقتنع بأنه أحيانًا علي قبول عيوبي كما هي. ×

ترجمة محمد الضبع من مدونة معطف فوق سرير العالم ،

 اللي نحبها ونستمتع فيها أكثر من أي مكان ف العالم <3

وعلى فكرة أنا وحدة لما نقرا كتابات كبيرة ضخمة لناس بشر طبيعيين

يكتبوا عن تجارب عاشوها و عن مشاعر حسوا بيها

و عن أحداث شافوها .. كل مانقرا من ذي الأشياء كل مانتقلص ونحس اني أصغر

ونحس إني شي عادي وبسيط و تافه

لا ماهو تافه حاشايا وني بيا :*

المهم الفكرة كأنو كل مايتوسع العالم في مخيلتي 

كل ماشعرت أنا بتقلصي في مخيلة العالم

شي غريب الزبدة منو إني نحس انو لو الأرض لها ذاكرة و أكيد لها !

أنا ف ذاكرتها مجرد نقطة صغيرة ما أثرت ضجة وماخترعت شي

 و ما غيّرت شي ف تركيبة الأرض يستحق التذكر

حتى اني أقصى ضرر قد عدلتو فيها إني طيحت عمود كهربا بسيارتي !

من جهة أخرى لما نقعد وحدي و بعيد عن العالم وبدون مانقارن نفسي بحد 

نحس إني على قد صغري و نتافتي ف هذا الكون على قد مالي قيمة 

تتلخص ف عيون كل شخص أنا قط عدت سبب ف سعادته حتى لو شويه بس

تتلخص ف جملة أحدهم لما قالي " إنتي سبب نجاحي " 

و ف جملة سوسو لما قالتلي " إنتي أجمل شي ف حياتي "

و ف كثيييييييير كلام جميل سمعتو 

من صحابي و أهلي ومن أطفال و من ناس مايعرفوني إلا من ثرثراتي ف عالم افتراضي .. كل هذا يخليني نحس إني فعلاً نقطة صغيرة ف الكون

بس فنفس الوقت اني شي عظيم و كبير ف الجزء اللي حولي من الكون

الجزء القريب مني .. اللي يعرفني و اللي شايفني <3 

و ماني قاعدة نتكلم بغرور على فكرة

كل البشر مثلي 

كلكم عظيمين و رائعين ف محيطكم 

حتى لو كان محيطكم بس عيون أمهاتكم اللي يحبوكم بديهياً وبدون مبرر !

حتى لو كان محيطكم بس المرايا اللي تشوفوا فيها وجوهكم !

انتو شي عظيم و لازم تقتنعوا بذا الشي

لازم تحبوا نفسكم كأنكم الأفضل

تحبوا نفسكم زي ماتحبوا الناس الجميلين 

و زي ماتحبوا الأذكياء و الموهوبين

حبوا نفسكم على اساس انو دام في شخص واحد ف الكون شايفكم رائعين

هذا يعني انكم فعلاً رائعين و اللي مخليكم زيي أنا 

ماعالم حد بجمالكم و رائعيتكم هو ان الحد هذا جاهل بيكم ومايعرفكم

بس !

بسيطه صح ؟

و إن كان أمل العشاق القرب أنا أملي ف حبك هو الحب !

الله الله <3

لما قاعده نسمعهم يتكلموا بنات العائلة عن تخصصاتهم ف الثانوية

و عن مسيرة دراستهم ف المراحل اللي قبل الثانوية ..

شي ف قلبي يقول يااااه *بالمصري

أنا خلصت كل دا ؟

مش مصدقة !

لساتني متذكرة أيام الثانوية و كيف كنت نحبط و نيأس ونتعب

وكيف كان طموحي يعلى و يهبط بمفارقات عجييييبه

مرات كان حلمي انو لما نخلص ثانوي نقيس الجزائر نقرا الطب !

مانعرف ليش الجزائر تحديداً ؟

يمكن أيامها كنت سامعة قصة حد يقرا فالجزائر وكنت نفسي نحامروا

ومرات كان حلمي نقرا إعلام ونكون صحفية

 ومرات كان نفسي نقرا قانون ونكون محامية

ومرات كان نفسي نقرا اقتصاد ونصير تاجرة و مرات ماكان نفسي شي

كنت نبغى نتزوج و نقعد فالبيت و نجيب أطفال جميلين و بس

ف كل مرة كان يكون في دافع غبي زي اعجابي بحد معدل ذا الشي

ماكان عندي القدرة إني نكون حلم جديد أو فكرة انا صانعتها لنفسي

كنت نسرق أفكار العالم و نحاول نتقمصها و فكل مرة كنت نمل ونفشل

وكثير مننا كان ومزال هيك 

وأنا ممكن مزلت هيك بشكل نسبي 

مع اني قاعدة نحاول نستقل بأحلامي و طموحي 

ونخترع شي نكون أناااا اللي ندوروا حق عندي ورافه عليه !

ملاحظين اني قاعدة نعدل كثير اشياء ؟

الله يقويني

بس عموماً هو شي صعب وصعب الاعتراف بيه

بس كمان حاولوا تشوفوه من ناحية جميلة

انا كانوا يقولولي " عريش لعلندة " فالبادية طبعاً 

عريش لعلندة ذا الا عرش او غصن من شجرة أو شجرة صغيرة ماني متأكدة

المهم انو هذا الغصن زوييييييين يغير مايقد يوقف وحدو

لابدالو من شجرة كبيرة يتم مسند عليها بيه الضعيف 

كانو يقولوهالي يدوروني نتبلح ونعود شجرة كبيرة ونوقف وحدي

كأنهم معيبيني ومانهم عارفين اني كنت مبسوطه

ومزلت .. فكرة انهم يشبهوني بغصن جميل فكرة لزيزة

ف كلنا ممكن نكونوا عريش لعلندة ف أحلامنا و طريقة حياتنا 

مبسوطين وزوينين بس مانا قادين نعتمدوا على نفسنا 

ولازم نشوفوا حل للموضوع دا ياقماعه 

لازم نكونوا أشجار D:

بالمناسبة عفاف كانوا يقولولها " قملة لكطيف " تعظ ماتبان D:

" من بديت أفهم شعورك 

وانسى همي في حضورك

صرت أتعب في غيابك

وألقى نفسي عند بابك ! "

لما تكتب وانت حاس ان ممكن مايقرالك ولا شخص

لما تتخيل ان البشر كلهم مشغولين و مامهتمين باللي انت قاعد تفكر فيه وتكتبوا

صدقني تكتب أشياء أجمل و أصدق .

. و أنا قاعدة نكتب ذي التدوينة دايرة ف خيالي شي واحد

ان مافي على وجه الأرض شخص فاضي يقراها .. كلكم مشغولين طيب ؟

ف مرتاحة وأنا نكتب ماني حاسه بذيك القيود الخيالية اللي تقيدني بالعادة وأنا ندون ..

صراحة فكل التدوينة حاسه كأني متأثرة ب شمس التبريزي ..

اللي فعلاً حاسه اني مغرمة بيه .. الدرويش شمس

شخصية ف رواية قواعد العشق الأربعون اللي نقراها من أيام وبالتقسيط المريح خايفتها تخلص واحتمال كبير نعيدها مرتين أو ثلاثة !

ماني عارفه كيف هي الرواية المفروض انها عن جلال الدين الرومي

بس أنا عن نفسي انجذبت وحبيت شخصية شمس التبريزي أكثر ..

حبيت نباهته و ذكاءه و أفكاره ومتن شخصيتو

حبيت كيف أثر فيا وخلاني نحس بسلام داخلي غريب كل مانقرالو

حاسه انو قاعد يصالحني مع الكون .. حبيتو :)

في وحده صاحبتي فالسعودية اسمها مريم تعصب واكثر شي يستفزها فيا أنا 

لما تسألني عن شي ونقولها مانعرف ..

على طول تنسبني لجماعة من ديبوسات معروفين بتخلاط ليدين و قلة اتمونيك ف اجواب .. 

هي تسألني مثلا متى لاهي ترقدي

مانعرف

من لاهي يمشي بيك

مانعرف

اينتا جايه 

مانعرف

وكثير اسئلة انا ببديهية نجاوبها بمانعرف

لأني فعلاً مانعرف

بس هي يستفزها فكرة اني مستسلمة لعدم معرفتي دائما

تبغاني نحاول نعرف كل شي

وانا ماهو قصة مافيا لقبا

بس شي حاسه ان دور مزلت نعرفوا عاجلاً أو آجلا

مايرفدني قباه .. زي الأشياء اللي قلتلكم انو مطمني اني لاهي نعرفها يوم القيامة

زي أشياء كثير عارفه انو يدور يجي يوم ونعرفها

من ضمنها : هل أنا لاهي نتخرج ذي السنة أو لا ؟

حقيقي مانعرف

وأي احد سولني ذا السؤال وجاوبتو بما نعرف

المفروض يفهم إني فعلاً مانعرف ومارافدني لقبا

ف مالو داعي يكبظ حد اوخر لقبا ؟!

< موجبو باط لايسولني حد عن دراستي يالدحسه

ولايسولني املي عن التعراص يكَللكم مغلى عليكم التعراص D:

ماني حزينه :)

مع السلامة

monte escalier