مزاج

تعال نجنن العالم

بقصة حب مجنونه

مامرت ولا بتمر

على قلبين عشقانه !

و أنا شخصه لما تمرض تتضاعف مشاعرها من كل الجهات

الأشياء اللي نحبها نصير نحبها بزيادة

و اللي نكرهها نصير نكرهها بزيادة

الشوق يتضاعف و القلق يتضاعف و الدلع و الحزن و الكدر و كل شي ..

"مرضي شين وتوف"

و لأني ف هذه اللحظة حامده مولانا وشاكرتو ..

درجة حرارتي مرتفعة شوووي

و نكح كحة مكدرة و خاسرة سيمتي بمعنى الكلمة ..

ف أنا حاسه اني مغرمه بأحدهم كلياً تماماً جداً *_*

و حاسه اني مشتاقه لوالدي بشكل ماهو طبيعي ..

 لدرجة اني نبكي كل شوي ندورو 

و حاسه اني حزينه على وفاة أمين الله يرحمه كأنو متوفي يامس !

و حاسه بكثير أشياء غريبه فوقت واحد ..

دواها الوحيد اني نكتب تدوينه و عشان كدا قررت نكتب تدوينه ..

في الفترة الأخيرة يعني الاسبوع الماضي

كان أكثر اسبوع تتضارب فيه مشاعري ..

الوضع ف موريتان متخرمز بمعنى الكلمة ..

و ماقديت نعبر عنو بطريقة أدق من ذي .. متخرمز !

عن نفسي ماني فاهمة الوضع الموريتاني ذي الايام

 و غالباً مانعرف عنو يكون تحليلات مجدي و ماما المتوافقين غالباً حول

 بعض الأحداث من ضمنها قضية تمزيق المصحف الشريف ..

و بعض الآراء الاخرى اللي قريتها صدفه ع الفيسبوك و انا نتصفح ف وقت انتظاري لوحدة من اطافلات تصيب لي لمرايه نتحفل !

لا و نعرف شي ثاني .. اني نرقد عن الحياة طبيعية ف الليل

و الين نوخظ القايله راعيلي الشوارع كيف شي كانت فيهم انتفاضة !

اينتا خلقت و شنهو اللي اخلق الله اعلم !

تشعرن جلي ذاك النهار الين خظت اراعيلي على طريق المطار

بل كراع وتة محروق و حجار متطايرين عل الشارع و سيارة متكسر مرايها

و ريحة مسيلات الدموع .. انخلعت حسيت ان موريتان ماتلات موريتان

يعني هي موريتان آمنة قاع بالسيف تنصبر فلحرى :(

يقولي حد طيب الحدث عظيم والجريمة تستحق انتفاضة

فعلاً هي الله اكبر كارثة ماقط لحقها شي

بس الشغب ولعياط والتكسير مايحل الأمور

و لا يأثر ف عزيز ولا غيرو ولا ينفع دنيا ولا آخرة ..

 كيف نفهّم ذا الشعب ؟ << استريحي يختي

حاني شوي خطر ع بالي مثال ..

انا لما نكون أم و واحد من اولادي يخسر عليا شي مقدس عندي ويهرب ..

الطبيعي نمشي و نتم نلودو نلودلو الين نجبرو ونعاقبو

بس ماهو معقول اني نقوم قايسه داري ونكسرها و نحرق فيها لكرعين

و نعدل انتفاضة ونقول لبوه مانهنى عن الشغب ولعياط محدك ماجبت

ولدك الشوين وعاقبتو !

نكون غبيه صراحه -_-

^^^

الحمى تعمل اكتر من كدا ؛)

المهم اني لو ماكنت تعبانه كنت لاهي نعدل شي مانعرف شنهو

بس الحمدلله اني تعبانه 

في الاسبوع الماضي كان عرس وحدة غالية عليا

و كنت سعيدة لأجلها جداً جداً .. وذاك من اسباب تضارب مشاعري

الفرح ماخلاني ننفعل مع الشعب الموريتاني بإخلاص

وبالمقابل الشعب الموريتاني ماخلاني نفرح لصديقتي بإخلاص !

يلا المهم اني عرفت نوافق بينهم الين انتهات موجتهم الاثنين الحمدلله ..

طمحتي شعوري .. طيحتي شعوري ..

هذا مؤيد يحاول يقول حطمتي شعوري

مؤيد و مصطلحاتو العجيبة لماهو جايبها من لخلا *_*

عجيب علم الوراثة .. مؤيد ورث مني صفات كثييرة

هو تقريباً نفس شخصيتي ودايما نشوف فيه نفسي

مثلا أنا و مؤيد عندنا نفس المشكلة مع الحفظ .. بصعوبة نحفظو

أنا و مؤيد ثرثارين و اخبارنا ياسرة

انا و مؤيد عصبيين و ماعندنا صبر و شينة صنعتنا

و أهم شي اللي خلاني ننتبه لصفاتنا المتشابه حالاً

هو انو مؤيد كان يقرا شريط اخبار قناة الساحل

و لاحظنا انو لما يقرا بصوت عالي يتخطى كلمات من الخبر .. 

يرصفهم لا إرادياً

وذي الحالة أنا فيا .. لما نقرا أي نص بيني و بين نفسي

نقراه بشكل سليم تماماً .. بس مجرد مانبدا نقرا بصوت مرتفع شوي

تلقائياً مخي يتخطى كلمات .. نشوفهم و نفهمهم بس مانقراهم !

ليش مانعرف .. و حاولت مرات نركز و نعالجها عني وماقديت ..

وشي ثاني لما نكون حافظة شي أكثر من اسمي .. زي "آمن الرسول"

 و الل آية الكرسي .. لما نقراها بيني وبين نفسي مانتلعثم فيها طبعاً

بس مجرد مانرفع بيها صوتي نلاقيني نسيتها تماماً !

و مالاهي يجد عل حد اني حافظتها اصلا !

شي غريب .. خلل ف الذاكرة ولا مانعرف L

الله يشفيني والمسلمين يارب ..

أنك تحب حق عندك يعني انك تحس انك دايما أقوى من اللي تحبهم

أنك تقد تتحمل عنهم كل الأوجاع

و انك مستعد تمرض بدالهم و تكدر و تحزن بدالهم ..

مش عارفه هي ثقة زايدة في نفسك الضعيفه ولا قلة ثقة فيهم

ولا خوف عليهم ولا ايه بالزبط .. حاقه غريبه واللهِ

و نفس الشي ف قصة الموت ..

مرات ماتعرف اذا كان أفضل تموت قبل اللي تحبهم أو يموتوا قبلك !

لأنك محتار من فيكم اللي يقد يتحمل ألم فقد الثاني أكثر !

شيء مؤلم ..

يارب بعد عمر طويل .. يارب

يقولكم ان سعادو ماهي خالقة !

سعادو الاسطورة اللي تسببت ولازالت تتسبب ف حالات انفصال

يومية فالمجتمع الموريتاني

ماهو مؤمن بيها .. مجرد اشاعه قال انها ..

بيني وبينكم فرحت و قلت ف قلبي ان شاءالله ماتعرفها طول عمرك ؛) ..

بس برضو انا مقتنعة بيها 

لأنها تجيني مرات من بعض الناس و الأشياء  *_*

"بعضهم قلنا "

وبالامارة انها واقعالي مع تويتر يا أهل تويتر

نحبكم و توحشتكم وتوحشت التغريد وتوحشت شخصيتي الخبلة معاكم

بس جايتني منكم سعادو .. قالبني نجيكم :(

لاتزعلوا فترة وتعدي و هيك ؛)

و غريب كيف ان كل الأفكار و الأشياء اللي تحدث لنا هي من صنعنا نحن

و من اختراعنا نحن و مجرد نتيجة بديهية لأفعالنا نحن ..

كل كل كل حياتنا هي مسؤوليتنا نحن 

لهذا السبب أنا مستعدة نتحمل مسؤولية أي شي يصير لي ..

و نقتنع اني انا السبب ولو ماكنت السبب أكيد لي دور ف السبب !

فم فكرة قالبني نفهمها ياك نكتبها .. تدور ف راسي لها أيام ..

بس انها تحذرني من أني نلوم أي حد على أي شي ممكن يصير لي ،

جيعانه جوع غريب ..

تعرفوا الانسان الين يكون جيعان ويفكر اش لاهي يوكل 

تخطر على بالو وجبات لذيذة يشتهيها أو يتمنى تنطرح قدامو ..

أنا نموت بيا التفكير و قالبني نجبر ولا ف خيالي وجبة وحدة نبقي نوكلها !

و مع ذا جيعانه :(

نوع من طول العين ماقط شافتو عيني

"حتى فلوكيل" 

الكحسه قال احمد = الدحسه

نكره التحاويص .. لما نشوف شي محاوص تنرفع عنو روحي تلقائياً ..

ماقصدي عل لوكيل يا اغبياء

قصدي كل شي عموماً ..

لما نشوف جماعة تتكاتل على لبلاصة القدامية ف سيارة مثلا .. مانركب 

لما نشوف جماعة تتكالع على لوسايد مثلا .. نتوسد ايدي 

لما نشوف شخص ميتين عليه الناس و يتطايحولوا ف ليدين .. مانخرصو 

و اشياء كهذه ..

يقولوا اني بيا النفشه

ويقولوا اني بيا البلقه

و يقولوا زي مايقولوا 

مش بتفرق معايه كتير ..

لكن دا الكلام لما يكون الموضوع يخص لبلاصة القدامية ف سيارة 

او لوسايد او شوكولا او بالوطة من افوكوجاي أو حتى شخص مالي بيه علاقة ..

لكن لما يكون يتعلق بشخص مهم عندي

و نعرف اني مهمة عندو يختلف الوضع ..

و يصير فيه صراع بين كرهي للتحاويص و بين حبي للشخص دا

و هو مايحدث الآن إن صح التعبير ..

عموماً الله يعطيهم المحور منو كاملين بلا استثناء D:

عن السيدة اللي اغرقتني ف الاعتذارات بعد ماركبت معايا قبيل بالغلط قدام الصيدلية 

ومالفتت انتباهي لأني منتظرة فوف تركب 

ومارفعت عيني من جوالي الين سمعتها تعيط مصدومة انها غلطت فالسيارة

عيطت انا وهي فنفس الوقت

وضحكنا ومشات .. شكراً لأنها ضحكتني بقوة :*

إلا بزعل .. إذا بتروح عن عيني وترحل

إلا بزعل .. و اتوه بعالمك و أمشي ولا اوصل ..

 نستغرب كيف أغلب البشر اذكياء و منظمين

لدرجة انهم يعرفوا الأكلات اللي تناسبهم و اللي ماتناسبهم

يعرفوا الأشياء اللي تمرضهم و اللي تداويهم

يعرفوا الألوان الحلوة عليهم و اللي تناسب بشرتهم

يعرفوا الأشخاص اللي يتفاهموا معاهم و يناسبوا شخصياتهم

و عندهم نوع معين من الأفلام يحبوه 

و نوع معين من الأغاني يطربهم

ونوع معين من الكتب يقراووها بمتعة

و نوع معين من الأصدقاء يلهيهم !

كيف ؟

يا إني أنا ماني طبيعيه يا هوما خارقين !

أنا عندي ألوان مفضلة و نبقيها

بس مانقد نجزم ان هذا اللون يناسبني 

واللون اللي يناسبني اليوم يمكن بكرة نشوفوا غلط عليا

و الأغنية اللي نرقص عليها حالا ممكن بكرة تسببلي غثيان

و ممكن أي نوع من الكتب نقراه الموضوع يعتمد على المود وقت القراءة

و ممكن اليوم نوكل بيتزا و تمرضني

و بكرة نوكل بيتزا وماتمرضني 

مافي شي ثابت حولي .. مافي شي عندي معاه نمط ثابت من النتائج

ولا في شي نبقيه بشكل مطلق .. ولا نكرهوا بشكل مطلق ..

نحس ان علاقتي بما حولي متذبذبة 

يمكن هذا اللي يسموه الشخصية المزاجية

أنا مزاجية  ... !

معقول جداً ..

انك تكون مزاجي شي ممتع و مليء بالمفاجئات و التغيرات 

بس ماهو مريح ..

غريب كيف لما تتعود على نسبة عطاء معينة من شخص 

و لما ينقص نسبة عطائه شوووي .. غريب كيف تحس بيها

كيف تنتبه لتفاصيل صغيرة 

ممكن لو ذكرتها تكون تافه و سخيف

بس ف داخلك تعرف انها تغيرت و ان تغييرها يعني انو في شي تغير من ناحية هذا الشخص .. شي شنهو .. الله اعلم ؟

يمكن سعادو .. يمكن .. !

حاجه معقدة ..

زيها زي لما تكون غصباً عنك و عن عقلك و عن اللي خلفوك

تهتم بشخص .. ماتقد تمنع نفسك انك تقلق عليه 

او تستناه أو تخاف يصيرلو شي .. حتى لما تحاول تقنع نفسك انو عادي

و بشويش على نفسك و بشويش عليه خنقتو باهتمامك 

وانو زي ماكان عايش قبلك دنو يتم عايش .. ماتقتنع !

قلبك مايقتنع :/

حاجه معقدة كمان ..

نرقد أحسن ؟

تصبحون على ماتشتهون

و أصبح و من أحب على شفاء و الكثير من الرضا 

monte escalier