جرادة أخرى ..

نتذكر نكتة بايخة كان يردها علينا خويا زمان و كانت تضحكنا كل مرة يردها علينا و مانندحسوا منها 
مش عارفة السر ف النكتة أو ف اسلوب خويا لماهو مقسول تبارك الله

انو في طلاب قالهم الاستاذ اعطوني حيوان بحرف الجيم
رفد واحد ايدو و قال جرادة 
قالهم ايوة حيوان اوخر بحرف الجيم
ارفد واحد ايدو قالو تفضل
وقف وقالو الا جرادة اخرى اصه D:

"مزالت تضحكني"

وذي زاد الا تدوينة اخرى على وزن جرادة اخرى ^^


و هات لي قلب لا داب ولا حب
ولا انجرح و لا شاف حرمان ..!



صدق أو لا تصدق
توحشت التدوين !
توحشتكم .. و توحشت تعليقاتكم و توحشت نشوف عدد مشاهدات المدونة يزيد
و نراقب الدول اللي يدخلوا منها زوار المدونة و نقعد نفكر و نحلل
كل دولة فيها بنت او راجل ..
كيف الجو عندهم .. و كيف عايشين
و كيف ممكن يأثر عليهم تدويني ؟
و كمان نقعد نتمنى نعرف كل دولة من فيها .. نبقي نشوفكم :( 


خصوصاً زوار المدونة من أوكرانيا و ألمانيا و روسيا !
انتوا مييييييين ؟؟
هلووو .. هااي .. الله يخليكم لعدتو فاهميني قولوهالي رافدني قباكم :(


أنا أصلاً ماني فضولية بطبعي بس علمني أحدهم ان الفضول يقوي الذاكرة
و أنا بما ان ذاكرتي ضعيفة لدرجة غبية .. محتاجه نقويها

ف الواقع هو علمني كثير اشياء بشكل عام
و كثير اشياء تقوي الذاكرة
زي حل الألغاز و لعب الشطرنج و أشياء هيك
يعني ب اختصار تشغيل مخ يبغى يقولي شغلي مخك D:

وانا ك العادة قالبني نشغل مخي لذلك اكتفيت ب الفضول
ك وصفة علاجية و عدت اترش من شي ^^


موجبو النسيان .. نفسي نجبر آلة تسجيل صوتي صغيرة و لبيقة 
كذا زي القلم او زي الخاتم او شي صغير نقد نتم رافدتو ف يدي و انا نسوق
ماقط شفتها بس اكيد دور تعود خالقة ،
ندورها عشان نتم نسجل المليون فكرة اللي تجي على بالي
وانا نسوق ونقول دور نعدلها او نكتب عنها او نفكر فيها
الين نوصل و ننساها الين نوصل :(
نحس انو قاعد يضيع مني أفكار كثيييير حرام تضيع !




كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة
كسبنا شرف المحاولة


لحظة .


.
.
.
.
.
.
.



عدنا ....

" مروا  يومين بالمناسبة بين لحظة و عدنا "


من وحي التجربة لما تكدر وتتضايق بسبب موضوع معين
شوف أقرب نقطة أو فكرة إيجابية فيه
و اختصرها ف عبارة و اكتبها .. كرر كتابتها كثير زي اللي انا عدلتوا ذاك اليوم لما صارلي موقف مكدر فجأة ف وسط التدوين .. 
جربها وكررها لو تتعب يدك لو يتوقف قلمك لو يطفي لابتوبك
لا تتوقف عن كتابتها مراراً و تكراراً
ادور تعقب توصل مرحلة تحس  انك انفشيت
كنت منتفخ و انفشيت و لا تتوقف الين تحس ان شهيقك و زفيرك رجعوا طبيعيين تماماً .

أنا متعودة عليها .. حتى مرات لما مايكون عندي مجال نكتب
نكرر الكلمة ب لساني .. نتم نقولها نقولها نقولها
الين نحس اني تشبعت بيها وارتحت ..


عشان كذا قبيل قلت لنجاة انها اتم تكرر لا إله إلا الله و لا باق إلا الله ..
كل ماتحس بفراغ وفاة مريوم الله يرحمها  .. نبغاها تشبع نفسها بيها
كل ما كررت فكرة ان الله عز و جل وحدو الباق الذي لا يموت
كل ماكان وقع وفاة مريم على نفسها أخف و استوعبته بشكل طبيعي ..

يارب تصبرها و تربط على قلبها قد مانحبها و أكثر يارب <3


أصلا يقولوها ف علم النفس و اصحاب ليلى كايزن وذيك الجماعه
انو الكلام الي تكرروا دايما " سواء كتابة أو كلام " يأثر على عقلك الباطن
و تلقاه يظهر ف تفاصيل حياتك من غير ماتقصد ..


مؤيد الحقير جايب آيسكريم و يوكلها حذايا
يقولي  بالعربية الفصحى " إنكِ مريضة يا آيّا و لن أُحظِركِ منها " :(


مش عارفه كيف ممكن نقنع أهلي و العالم و الناس و صاحب الظل الطويل
إني انا يمرضني الحمان والأشياء الحامية
و لما نكون مزكمة يداويني البرد و الايسكريم تخفف عليا الحمه
كيف نفهم عقولهم الغريبة ؟


مشكلتنا أننا دايما فاهمين فكرة  " قيس النفس على النفس " غلط
المفروض نفهموا انو ماهو دايما تصلح انك تقيس " تقيس بالقاااف الطبيعة"
الناس على راصك
لازم تخلي احتمال ان الآخر ماهو كيفتك
و ان الأشياء الي ماتناسبك ممكن تناسب غيرك !
و زي كذا يعني .. " حاسه اني نهدرز "


المهم حاسه اني كبرت ..
و صرت نكتب تدوينتين ف اسبوع  واحد
و صرت نحس بالمسؤولية تجاه أحدهم
و صرت نقعد ندعي بعد الصلاة زي الأمهات  .. ندعيلو !
صرت نقد نحكم نفسي عن الآيسكريم و عن تكسير الثلج و وكيل تفتاتو
وصرت عندي مسؤوليات ..

ههههههه تذكرت ذيك الليلة كنت انا وماما جايين من مشوار
و قعدت نفضفض لها .. انو محتاجه شي من الفظة
انو عندي التزامات اجتماعية  تجاه صحباتي و عددت لها اساميهم و مبررات الهدايا الي يالتي نجيب لهم
و هي ملتزمة الصمت .. كأنها ماهي سامعتني " لحليق ذاك "
ف الأخير قلت لها بصرامة و ثقة  : ماما انا عادت عندي مسؤوليات .. " قصدي اني كبرت "
قالتلي ببرود " انتي اثرك تخيمتي ؟ " اطحن على الراس :(
طبعاً تنرفزت وقمت نتمتم انا يعني اثري  لقيطة ماعندي اهل و  الين مانعود متخيمة مانقد نعطي شي و مايعود لي
حضور ف العالم ولا ولا وبلا بلا بلا
و عاتبتها شوي وسكتت .. و عطيت ساعه منفكعه و هي ترضيني و تفهمني قصدها
الي في الواقع ماعندو شرح غير الي فهمتو انا بيه :(
" لحقك تتخيمي " ..


طيب انا ماني حاسه انو لحقني نتخيم ..
ذي الفكرة زي فكرة تأثير الحمان و البرد عليا
ماني عارفة كيف نفهمها للعالم .

العالم اللي مستحيل .. شوفوا مستحيل جدياً
يمر اسبوع من غير مانسمع تعليق أو سؤال من نوع " ماريتي عريس ؟ "

أنا مانلود لعريس .. " هو اللي يلودلي  D: "

لا من جد زي كل البنات طبيعي اني أنا نتمنى نعيش حياة سعيدة و يكون لي أطفال جميلين
و بيت كبير و حياة حلوة و كل شي ..

بس هذا ف خيالي لأن الواقع شيء آخر
لأن كل الرجال القادرين المستعدين للزواج الي نعرفهم .. مايقدوا يعيشوني زي ما فخيالي !
قصدي يعيشوني معنوياً ماهو مادياً على فكرة ..

فكرة اني نجبر شخص مناسب فاهم الحياة بنفس فهمي أنا لها
فهمي لها اللي ممكن يكون غبي بس يعمل نبغاه غبي زي غبائي !
ذي لوحدها فكرة تعجيزية ..

هذا غير عن الفرق بين تربية الاطفال في خيالي و تحجليبهم وجمالهم
و بين الواقع و صعوبة التعامل معاهم و تحمل مسؤوليتهم في الدنيا و الآخرة

الموضوع ماهو سهل و ماهو مجرد حفول و تزغريتة و مروح و فلانه تخيمت و الخ .. !
أو بالنسبة لي انا ع الأقل ماهو كذا
 ومانبقيه يعود كذا و مخي ماهو مقتنع بيه كذا ..


أوك  يجي حد يقولي الا بيك انك ماجبرتيه ..
و حقيقي نتعمد نجاوبو و نقولو أيوة حق لو كنت جبرتو نعود مذالي تخيمت
 و نقفل الموضوع !

و تجي وحدة تقول مزيقلك المهم تتخيمي وتجبري تريكه و ماينقال بايرة و مانعرف اش ..
هذا بالنسبة لك يختي .. أنا مانحب نعدل شي لمجرد اني نعدلوا
يا يكون ساويلي أو بلاش منو ^^

أوك كعرت فراش اهلي بس يعمل ..
 دام أهلي مستعدين يغيروا فراشهم كل سنة عشاني D:


ثاني و أهم شي الزواج هذا رزق .. ذي كلنا فاهمينها ،
 المفروض يعني اننا فاهمينا كاملين ..

ف ياريت اللي ماهو فاهمها يفهمها ..
انك لما تسول وحدة أو واحد سؤال : متى ستتزوج ؟
كأنك مسولو : متى ستموت ؟ أو متى ستتبطرن ؟
 أو متى ستتكلفط و يطيحو سنيك ؟

ياخي مافي حد يعرف اش لاهي يخلق لو و اينت و فين و مع من ؟
هذا علم الغيب يعرفوا الا الله عز و جل
علم ايش ؟ علم الغيب 
من يعرفوا ؟ الله وحده وحده لا شريك له

المطلوب مننا نكونوا مؤمنين أن كل مايحدث لنا خير
حدوثه خير و تأخيره خير .و خلاص وجع ف اشكالكم يامتخلفين !


" كأني عصبت D: "

مشكلة ذا الموضوع بالذات مانحب نتكلم عنو بتعصيب ياك ماينقال
اني غايرة وماني عل بابي *_*
ماني غايرة بس اندحست من سؤال ماتخيمتي ماريتي عريس مانخطبتي ما ما ما

أنا ماني شنطة معروضة تحاني مشتري !
وماني تفاحة تحاني حد يشتهيها و يوكلها !

عندي اشياء كثير نبقي نعدلها مزلت سابق نتورط ف زواج من أي نوع كان

نبقي نتخرج من الدكتوراه " الله اعلم اينت" 
نبقي نكتب كتاب
و نبقي نسافر وحدي
و نبقي نحفظ القرآن
و نبقي نتبلح
و نبقي نبني دار على ذوقي
و نبقي نتقن 4 لغات " عربية + انجليزية + ايطالية + هندية "
و الأهم نبقي نعيش قصة حب مجنونة " سر : يحدث الآن ؛)"
و كثير أشياء كثيييير ماهو ضروري نقولها ^^


مابي أكون إلا معاك
في هامشك أو في سماك !


لما كتبت ماني تفاحة تذكرت يامن الجميل المنسوخ الي توحشتو و توحشت خالتو
لما شافني أول مرة انا وعفاف 
كنا ف الراشد مدري النور مول " مانفاصلهم "
و هو كان قاعد مقابلنا على الطاولة و كان مندهش
انو انا وعفاف نتشابهوا قال هو لا توجد بيننا فروق !

و لما عرفناه ب اسامينا ما استوعب اننا نفس اسامي خالاتو 
وقال انو لاهي يسمينا اسامي جديدة !

قلنالو ماعندنا مانع و تفضل
و تفاجئنا لما أشار علينا قائلاً 

انتي مكنسه =  بلاية "عفاف " 
وانتي مجرفة = حواشة امباليت  " انا "

اول شي انا بعدني اختنقت بيا الضحك 
كتلني اول مرة نشوف طفل خيالو غريب لذي الدرجة 
لا وقايلها ب احترام يعني ماقصدو يغلط !

عدت نقولو طب ليييش الانحطاط ليش انا المجرفة
خليني المكنسة طيب ياحقير :(

و بعد ساعه من النقاش قرر من نفسو يغير اسامينا
وسماني أنا تفاحة و عفاف مويه = ماء D:

" ذي لمردة حاسه اني فت كتبتها ف تدوينة وماني متأكدة 
لو فت كتبتها عادي عادي ادقديق الراص خالق 
أصلا عدت ياسر من شي الين نكتبو يتوصفلي اني فت كتبتوا مانعرف منين !" 


المهم يامن هذا 
طفيل رهيب رهيب رهيب تبارك الله 
لهجتو لوحدها تكتل و هو يقول

" طيب انتو ليش زي بعض؟
اش هو الاختلاف بينكم  ؟ " 


مع العلم اننا مانا توأم بس دايما يشبهونا ببعض

مرة كنا ماشين ف شارع ف انواكشوط مقوطرات
خظنا من حذا تريكة قاعدين خرصونا
وقال واحد شييييتت الا الثلاثاء و الاربعاء !

مت انا ك العادة بيا الضحك ومع اني مافهمت قصدو
بس أكيد قصدو اننا نتشابهوا :/

عارفين 

مرات كل عزة النفس و الكرامة و الكبرياء و البلكة و الأشياء اللي تخلي الشخص يحط يدو على فمو عشان مايقول شي من لكلام لبعض الناس ..
أحياناً كلها تتلاشى كذا ف لحظات ضعف أو مانعرف نعبر عنها تماماً 
بس انها تتلاشى و نكونوا مستعدين نمسحوا نفسنا من الوجود عشان مانخسرو شخص ثاني 
شي كذا زي التضحية اللي مش عارف ان كانت عشانك او عشانه 
زي إنك تتألم بسبب شخص و تتوجع و تبكي وكل شي
ولأنك تعرف ان ماغيرو حد ثاني يقد يعالجك
و تعرف ان وجعك اللي بسببو يوجع قلبو أكثر منك !
تلاقي نفسك تبكي منو لو 
زي مايقول كاظم
أنا شكوتي منك إليك ..

في شي غريب عم بيصير جواتي ..
شي غريب و جميل و أليم و لذيذ و مايتوصفش 
هو دا الحب ؟


تعرفوا الشارع اللي جاي من كرفور سيتسمار
واعد كرفور بانا بلاه 
بعد بوتيك باناسونيك الجديد الزوين
ذاك البوتيك بالمناسبة مافت دخلتو ومزلت نبقي نجيه
كون متوصفلي اني لابد نشري ملحفة جديدة نقيسو بيها بيا انو جديد
تبارك الله ديكورو الا اليقوت يستحق حد يتحفل لو !

المهم الين تتخطاو البوتيك ذاك واعدين بانا بلاه
لاهي تجي على ايدكم العسرية  دار شكلها غريب
خرصوها حقلل " اهل موريتان "
دار تصميمها الا كيفت شي مقهى والل مطعم والل مقر عصابة مخدرات 
و عندها حراس أمن مايحركو

ذيك الساعه جيتهم أنا واخظة من فم ليلة ومستحفية
وقفت حذاهم جاو واقفين كيفت شي منخلعين
سلمت عليهم وسولتهم يكان ذا ريستورنت ؟
قالولي نو
قلتلهم شنهو اصه ؟
قالولي دار مدة !
قلتلهم دار عادية ساكنين فيها ؟
قالولي اهيييه !
قلتلهم اوك ميرسي شكيت انو مطعم وانا جيعانه :)
قامو يضحكو و مشيت عنهم

المهم حقلل لعاد فيكم حد يعرف اهلها يقولهم اني لاهي نموت بيا
عزة ندخلها شوي ونوخظ :(

كيفت حالة قط وقعتلي مع دار ف ابريمير كنت لاهي نجن بيا عزة نشوفها
لدرجة فكرت ندير كرش و نقيس اهلها و نقولهم اني موجوعة و مشتهية نشوف دارهم 
كانهم يخلوني ندخلها كاملة !

كون ماخلاتني عفاف :(



ترى ماجابني إلا انت
وشوقي يا اقرب الخلان ..




تعرفوا اش يطعنني اكثر شي ف الدنيا
ويفكعني و كل شي
ابصاجة الي تنعر عن السواق 
ف موريتان الشعب متروش بالفطرة 
حاااااظر 
بس اوك ينترشو ف كل شي ماعندي مانع لأني متروشة معاهم
بس انهم يكون شخص يسوق سيارته و يعدل شي خاسر
او يوقف وقفة شوينة و يجي سائق ثاني وجهو متين كيفتي انا
ويقولو بويا سيري ادرواتك يسلمك
تقوم عليا الشويبه الي راكبة قدام وتقولي
يمي ريحي !
يمي حوزي لهيه !
يمي مانعرف اش !
وذا مولاتو مشنشحه و السواق قاع ذا فايتو مسكين 

ياخي الترشة ف دمنا 
لا والله يعود راكب شيباني حذا مولى التاكسي
ونقول انا لمولى التاكسي ميرسي انو عطاني الطريق
يقوم الشيباني يأشرلي بيدو انو عفواً !

لو تلاحظوا ياللي تسوقوا ف انواكشوط
تعرفوا ان ابصاجة الموريتانية أحدب على الشوفير من اللبة عل ولادها !
هي اللبة ؟

على فكرة حتى عفاف الين تركب حذايا 
اتم تصكك و تشير للسيارات و تتواصل معاهم و تجاوبهم وكل شي 
ياخي شعب عظيم ..

سلطانه الصغيرة الصغيرة " 5 سنوت " الجميلة
كانت معايا يوم ف السيارة و سولتني سؤال عجيب
و مخورج و بدون أي موجب 
قالتلي : أعقل الرجاله و الل لعليات ؟
ضحكت و بصراحة
قلتلها طبعاً اعقل الا نحن لعليات 

سولتني مرة ثانية للتأكيد
الرجاله مانهم عاقلين ؟
قلتلها عاقلين بعد .. بابا عاقل و جمال و محمد و كاملين عاقلين
كون اعقل نحن منهم

قامت تضحك ضحكة خبيثة مافهمتها
و غيرت الموضوع وقلبتني ترجعلو مرة ثانية !

ذاك النهار وعيت الصباح ماشه عندي كورس 
الين قديت الوتة اراعيلي فيها اشارة جديدة ماقط شفتها مولعة 
وانا اصلا مانفاصل فيها شي من الداخل بيني وبينكم
الا اشارة كزوال بس نعرف كانو فم ولا ماهو فم !
المهم وقفت وعيطت لواحد من الشارع
قلتلو تقد تترجملي الوتة ش قايله
قام يضحك قالي ذا ويل " الزيت " فارق !
ومشي ديريه لها

المهم عقبت استعنت بحد و جا وسقاها مسيكينه
طلعت يابسة مافيها قطرة من الزيت ولا الما
ومولاتها ماتعرف كون تشغلها و تطفيها
و تم يصكك عليا و حسيت اني عويليله *_*

المهم مشيت ادحميس شور محطة نغسلها شورها و نغسل مكينتها وذاك النوع
و لفوتت توفى قعدت على كرسي و كبظت دفتر و عريت قلم من عند مولى المحطة
وتليت نكتب شي من خرامزي 
تميت الين جا واحد وقف سيارتو ونكز وجاني 
قالي السلام عليكم اختي عندكم ويل ؟ " الزيت قلنا "
قلتلو اهيه :)
قالي ليترو باش ؟
انطلس مني الضحك قلتلو خويا انا مانشتغل هون ^_^

"لو كنت نعرف سعر ليتر ويل كنت جاوبتو املي بس للأسف مانعرفو"

تم امنادم يعتذر يعتذر يعتذر الين حسيت انو ندماااان
كأنو معدل لي شي خاسر !
قلتلو انو عادي ومافي أي مشكلة
قال انو شافني قاعدة ف وسط المحطة وعندي قلم ودفتر و شك اني نكتب الفواتير D:
عجبتني الفكرة سولتهم كانهم يبقوا يشغلوني بس رفضو ^^

زوينة موريتان
تحس ان الشعب عفوي و عل بابو
الا الي جا ف خلاك حد يجي قايلو وتوف 
و نحسهم متقبلين حماقات بعضهم
فاهمين بعض 

يعني مستحيل ترد على حد مردة
وتوفى لمردة بدون مايقولك تعليقات زي 
" قطعاً .. حق بعد .. هذا ثابت "

التأييد عندهم شي عفوي لو كنتم تفهمون ^^

حاسه انها اطول تدوينة قط كتبتها وخصوصاً انو مالي يومين كاتبة وحدة
ادور تجيني منها شكاوي
المشكلة الين مانكتب تزعلوا والين نكتب شوي تحتجوا
والين نكتب ياسر تقولولي ذا طويل !

شنعدل انا ؟
ها شنعدل ؟

اقراو وانتوما ساكتين بس


ذاك اليوم دمعوا عيوني .. دموع فرح و حزن و شكر لله
بعد ماكنت بقمة التركيز نصنت لقصة ماما و بابا في بداية حياتهم مع بعض
مترددة كاني نحكيها .. هي قصة رهيبة بمعنى الكلمة 

نو خلاص ماني حاكيتها
أصلا التدوينة طويلة
وأصلا نختير نكتبها ف كتابي الرسمي
و تقراوها وتعجبكم لأنها اول مرة 
و هيك يعني ..
و يمكن بكرة نكتب تدوينة ثانية ونكتبها فيها
محدش يعرف ايه اللي ه يحصل ^^

يلا كافيكم مني 
سلام :)

monte escalier