تايهة

كتبت أكثر من عشرة جُمل ع اساس نبدأ بيهم التدوينة

و كل مرة نحس بسخافة الجملة و نمسحها .. 

تنحّت في الشاشة لمدة لا تقل عن دقيقتين 
لأتذكر بأنني هنا أكتب ما يخطر على بالي فقط 

بعيداً عن سخافته أهميته أو معناه القابل للاستيعاب أو التنطيش ..

صارلي فترة نتهرب من التدوين 

أو ممكن نقول كل مانحس إني بخير ونقد نكتب

يحصل شي .. غالباً يموت حد يعنيلي و نرجع نهتز ونخاف ونبعد عن الكتابة

ماني طبيعية مؤخراً .. ماني أنا .. مهما حاولت نكون !

لما حد سألني في الآسك متى حتكون تدوينتي الجاية

أنا رديت انه لما نرتب نفسي ..
لأن مش جاي على بالي نتكلم عن أشياء ممكن نندم عليها !

ماترتبت لسه .. بس ماتليت خايفه نندم على شي .. 
ماتليت خايفه من شي أصلاً !

 لاش ؟

لأني حالاً في غرفة مافيها غير ضوء التلفزيون 

وصوت المكيف و النور مطفي
و أنا قاعده مسنده ظهري على مخده عريضه لونها موف على ما أظن

وماده رجولي و طارحه عليهم مخده عريضه كمان
 لونها أحمر وطارحه عليها اللابتوب 

و بابا نائم على بعد شبرين مني !

الحمدلله الحمدلله الحمدلله
اللهم دمها من نعمة واحفظها من الزوال

جو زي هذا ممكن يكون بالنسبة لأي شخص ولكل شخص في العالم

شي عادي جداً .. شي سطحي ولا يدل على أي شي

لكن بالنسبة لي أنا .. شيء عظيم ، عظيم والله

و مريح و مطمئن و كبير .. شيء كبير .. 

أنا بالعادة مانحب نكتب عن نعمة الوالدين أو عن فرحتي بوجودهم 

أو عن كثير من التفاصيل تحصلي معاهم

ولا لخوت .. ولا حتى أحدهم ماصرت نحب نكتب عنه .. ليش ؟

لأن حقيقي وماهو مثالية ولاني طيبة بزيادة ولاهم يحزنون

بس مانحب نكسر قلب حد 

ولا نحسس حد بالنقص لأن والله والله الدنيا ماهي مستاهلة

و ربنا أعدل من أن يحرم شخص من نعمة دون أن يعوضه بنعم أخرى ..

وبشكل عام أنا مانقعد نتخيل ردود فعل
 كل شخص يقرا كلامي ونخاف على مشاعره ..

بس عندي أشخاص معينين يهموني ويهمني شعورهم 

ومع اني متأكدة ان فرحتهم لي أكثر من فرحتي لنفسي
 بكل نعمة ينعم بيها الله عليا

بس من حقهم عليا إني مانستفز شعورهم
ناحية شي أنا عارفه انهم محرومين منه لسبب لايعلمه إلا الله

و الأكيد انه خير ..

بالمناسبة يستفزوني الناس اللي مايهتموا بذي التفاصيل
أثناء كلامهم أو تعاملهم مع الآخرين

و رغم إني أنا بنفسي نغلط وأكيد نعدلها بس ع الأقل نحاول ننتبه !

ذاك اليوم وحده صديقتي متوفية والدتها من زمان .. 
من هي صغيرة يعني مافاقت عليها

الله يرحمها ويغفرلها 

المهم البنت هذه تحكيلي موقف صار انه صاحبتها توفات أمها 

وفي العزاء كانت هي معاها ..

ف جات جماعة تعزيها .. ومن ضمن مواساتهم وتصبيرهم لها ..

قالولها .. شوفي فلانه " اللي هي صديقتي " 

قالولها شوفيها امها متوفيه من زمان وماخسر فيها شي وكبرت وتزوجت ونساتها !!!

متخيلين ؟

طبعاً هي تحكيلي انها انفجرت من البكي .. حست انها قاعدة في عزاء أمها اللي ماحضرت له !

أنا بكيت وتأثرت وتمنيت لو اني نقد نساعد بأي شي .. بس مانقد 

دائماً نحن البشر عاجزين أمام القدر 

مهما حبينا مهمها تعلقنا في الأخير مابيدنا غير الاستسلام لمشيئة الله ..

لكن أحياناً يكون بيدنا وبقدرتنا التخفيف عن بعض ..
بوجودنا بكلامنا بحضننا بصوتنا وبكل الطرق الممكنة

هذا باعتقادي أحد أهم الأسباب اللي خلقنا الله بيها قابلين للتآلف والتعارف !

ف إذا ماكنا قادرين على هذا الشي .. 
ع الأقل ع الأقل لازم مانعدلو العكس

لازم نحاولوا نكونوا خفيفين .. ولو بالصمت 

ولو بالبعد ..!

مانعرف 

والله مانعرف

من وسط رمضان للعيد .. كالآتي كانت الأخبار توصلني 

محمد مولود خالي و والدي الثاني 

صلى العشا و التراويح في رمضان ونام للأبد 

الله يرحمه ويغفر له

خالتي اللي كنت كل يوم نروحلها المستشفى .. فاكرينها ؟

لما سافرنا ومشينا .. تعبت أكثر

وتوفات الله يرحمها ويغفرلها 

محمد (حسبة خويا شقيقي) راح يعتمر عن والدته  الله يرحمها ويغفرلها 

وهو راجع من مكه تعرض لحادث سيارة و توفى الله يرحمه ويغفرله 

مولود كيت النونو توفى الله يشفعه في والديه 

و النونو اخت أحدهم توفات الله يشفعها في والديها

انجاي (قريبي وخو صاحبتي ) تعرض لحادث و توفى الله يرحمه ويغفر له

الله يرحمهم جميعاً .. الله يرحمهم ويرحم أمين ويرحم موتى المسلمين 

ويرحمنا إذا صرنا إلى ماصاروا إليه ..

دائماً نقول انه مهما كان الموت شي متوقع ومنتظر في حالات معينة 

ومهما كان شي محتوم و مؤكد في كل الحالات

لازم يفاجئنا .. لازم عقلنا وقلبنا وروحنا ياخذو وضعية الدهشة

انه ماكان شي نتخيلوه .. انه مستحيل هذا الشخص بالتحديد يموت !

مع ان الشخص مايكون مميز بأي شي عن باقي البشر

مايكون مختلف غير بمكانته في قلوبنا 

وهذا شي مايستثنيه من الموت ولا من أي قدر مكتوب له ..

بس هكذا هم نحن

كل شي ممكن نتعودوا عليه .. ممكن يصير عادي ومستهلك 

ومتعوديييين .. كل شششي إلا الموت

الله يجيرنا ويجيركم من موت الفجأة و من فقد الفجأة 

ومن كل المفاجئات الغير سعيدة يارب .

الله يصبر الفاقدين ويرحم المفقودين
الله يقويهم و يعطيهم أشياء جميلة 
تصير سبب انهم يستمروا في حب الحياة ..

لا إله إلا الله 


الدنيا ماهي شي .. 

نجاة قالت كلمة ذاك اليوم
لما قالتلها ووحده من لعليات في عزا محمد
الله يجعلها آخر الأحزان  .. قالتلها مستحيل تكون آخر الأحزان !

الكلمة مزالت عالقة في دماغي
سهرت بسببها أيام .. مخيفة
مخيف انتظار شي محتوم ومجهول الموعد

ممكن يجي فأي وقت ولأي حد ..
عارفه انو غلط والمفروض مانفكر فذي الاشياء والمفروض نتفائل
ونعيش حياتي ونسلم لله أمري
وهو الحاصل والله .. وعلى قد ماينصحني أحدهم
على قد مايصبرني ويقويني ..

لكن في غصة غريبة.. ماهي مخليتني نذوق طعم الحياة بشكل طبيعي !
وأكثر من شخص نعرفهم حاسين بنفس الحالة !

نتذكر لما كنا في البارتي ذاك اليوم والبنات يرقصو وكأنهم مجانين
وأنا وهي حاسين بتصلب في أجسامنا قالبنا نرقصو ولا نرصفو ولا نعيطو !

مع أننا أنحف ثنتين في المكان .. لكن ماقدينا
أرواحنا ثقيلة .. قلتلها ليش مانرقصو
قالتلي ماني حاسه بشعورهم .. ماني هون
خايفه تنطبق علينا السما ونحن نرقصو !

خوفتني فوق ماكنت خايفه .. نفسيات صرنا ؟

ماعلينا 
فترة وتعدي .. 
حتعدي إن شاءالله 

أصلاً ف الاخير رقصنا وسبحنا وانبسطنا وكل شي D:


...


*في حاجات تتحس و ماتتقلش ..
و إن جيت أطلبها .. أنا مقدرش
و لو انت عملتها بعد مانا أطلبها
يبقى ماينفعش !


عارفين 

مشكلتي كانت ولازالت إني دائماً نكون في حالة من حالتين

إما طموحة جداً أو تافهة جداً

متفائلة و حالمة جداً .. أو واقعية و متشائمة جداً ..!

يا إما مشغولة جداً .. أو فارغة جداً

مهتمة جدددداً أو لا مبالية جداً !

عاشقة جداً أو لا مهتمة أبداً ..

صديقة جداً أو مهملة جداً ..

ذكية جداً أو غبية *ماهو جداً p:

وكثير أشياء أخرى مانعرف فيها كيف نكون وسطية أو نكون فيها " عادي "

إن صح التعبير يا أبيض يا أسود لكن مش رمادي !

مع إني بطبيعتي و من جهة أخرى ،  نعشق اللون الرمادي ..!

وعلى فكرة في فرق بين ذي الأشياء اللي فوق و أشياء أخرى زي الرغبات و الميول

اللي دااائماً محتارة ومترددة فيها زي الأكل الألوان الأغاني و الأفلام المفضلة .. 

مانعرف نقررها ومانعرف نكون منحازة دائماً لنوع معين منها دوناً عن الآخرين !

باستثناء الرمادي و الأصفر -_-

المهم بعد دراسة عميقة لنفسيتي ومزاجي وأفكاري في الفترة 

اللي غبت فيها عن التدوين

صنفت نفسي ك التالي في ذي الفترة ! :

طموحة جداً : فيما يخص مستقبلي المجهول لحد الساعة .

واقعية جداً : فيما يخص حاضري المتقلب كثيراً .

مشغولة جداً : الحياة خطة .

مهتمة جداً : بالحياة .

عاشقة جداً : لأحدهم :$

مهملة جداً : لصداقاتي .

و غبية ماهو جداً -_- : بشكل عام :(

أول شي اكتشفت إنه هذه طريقة التصنيف كويسه

تخليني نفهم نفسي .. لما كل شعور نحطه لوحده 

نفكر ف أسبابه و في نوعه و مدى عمقه 

حنعرف كثير عني .. مانعرف بس حاسه انو شي لطيف :)

*قوتي ضعفي وضعفي إني أبيك

وإنت عارف إني ما أعشق سواك !

هذه السنة نعتبرها أول سنة في حياتي نعيش مع بابا ..

أنا صغيرة ماكنت نعرفوا .. ماكنت مركزة ماكنت فاهمة !

ولما أنا كبيرة ويعنني فاهمة هذه أول مرة نعيش معاه ..

كنت نقولها لفوف ذاك اليوم 

انه كيف فيا أشياء كثيييييييير ف شخصيتي و حركات واسلوب

كنت شاكه انه شي خاص بيا يعني 

من الله ..

اكتشفت انه من الله فعلاً لكن من بابا جبته ..

يشبهني فأشياء كثيرة 

وكل مرة نكتشف فيه موقف أو حتى تخريصة أو كلمة نعرفها فنفسي

نفرح بشكل ماهو طبيعي .. زي كأني قاعدة نثبت لنفسي إنه أيوه هذا بابا 

أيوه أنا بنته .. شعور لذيذ أنا أول مرة نحس بيه ..

الله يخليه لي و يخلي لكم اللي عطاكم قولوا آمين <3

***

I believe we have a choice in

this world about how to tell sad stories

,On the one hand

.you can sugarcoat it

The way they do in movies

 .. and romance novels

where beautiful people

.. learn beautiful lessons

where nothing is too messed

... up that can't be fixed

with an apology

and a Peter Gabriel *or Kazem Al saher :D* song

I like that version as much

 , as the next girl does

believe me

It's just not the truth

This is the truth

sorry

.. 

 *the fault of our stars* 

____

وقلبي يسبق الخطوة 

قبل لا رجلي تمشالك

أنا ياقلبي أتشرف

مادامك حيل تغليني <3

قاعدة نتذكر الأحداث اللي صارت في الشهرين اللي فاتوا 

ذاكرتي شوي ممسوحة بس أكيد صارت أشياء كثير ..

مممممم

أيوه تذكرت موقف صار في رحلة السفر

لما سافرت أنا وماما من موريتان جايين 

وطينا ف تونس 

كان ف رمضان وأول ماحركنا من موريتان تقريباً 

الساعة 1 فالليل

بعد نص ساعة تقريباً فالجو قالولنا أهل الطيارة

انو حان وقت الامساك !

بتوقيت من ؟ الله أعلم

لا تونس ولا موريتان ولا السعودية ولا أمريكا !

إمساك إيه ؟

طبعاً نحن أصلا مرخصين وفاطرين

طنشنا لمردة

الين وصلنا تونس كنا جيعانين وهلكانين

رحنا الفندق قالو مافي فطور لأنه رمضان ونحن واصلين الصباح

هذا كاع من زين الدين طاري لتونس 

المهم طلعت انا وماما غرفتنا وهي كانت مرهقة جداً

ف أنا قلتلها لاهي ننزل نسأل عن أقرب سوبرماركت 

ونشري شي نوكلوه ونجي

قالتلي أوك .. ومن غبائي الماهو جديد .. مامشيت بالجوال
مع انهم عطاونا شريحتين من اورنج في المطار مزلنا جايين
 وشغلناهم ذاك الوقت بس نسيت !

طبعاً ماما على بالها اني ماشه مشوار عشرة دقائق وراجعة !

وهي كانت نيتي فعلاً :(

نزلت سألت الرسبشن قامو رسلو معايا واحد ينعتلي السوبرماركت

خرج معايا قالي قوليلي شتبقي وانا نجيبولك وارجعي غرفتك !

قلتلو لا انا نمشي لأني مانعرف شندور بالضبط ونختير نشوف !

وفعلاً نعتلي المكان ورجع لشغلو

مشيت أنا زي الشاطرة

دخلت المكان كبيييير ضخم

خصوصاً اني عاقبلي الا موري سانتر وبانا بلاه

 و يعنني مرررة مشعشعة

عاقبلي نتسوق ف " أتاك الخير " !

حسيت اني تايهة ماني عارفة ش نشري ونص منتجاتهم غريبة عليا

المهم عطيت تقريباً نص ساعة وأنا نلف

ونجمع الاغراض حد شافني يشك اني نشري مؤونة شهر !

وانا الا بيا الجوع ذاك الوقت متوصفلي اني مايشبعني شي :(

المهم بعد ماخلصت وجيت شايله ومشيله

نجي لاهي نحاسب 

يقولي الكاشير مانبيع بالأورو !

مانبيعو غير بالدينار التونسي ! 

وأنا ماصرفت غير اورو 

عدلت نقول طيب اذا مشيت نصرف

شنعدل اغراضي خايفتها تضيع ونجمعها مرة ثانية :(

والمكان زحممممه وجبرت ياسر من البيظان

واحد سولني امالي قلتلو القصة قالي ايوه انا الحمدلله عندي الدينار !

وبس ومشى هو والصيدة !

يعطيك المحور طيب حاسب عني الين نخرجو نخلصك :(

ماعدلها

قمت لميت اغراضي فمكان على جنب ع اساس مايرجعوها 

وخرجت

سألت واحد برا عند الصراف قلتلو من فين نصرف العملة ؟

قالي في البنك اللي هناك

نعتلي مكانو .. البنك في الشارع المقابل

وانا ماشه طبعاً بملحفتي واضح اني موريتانيه

جبرت رجاله اثنين بيظان جايين معانا معتمرين

سولوني شواعدة رديت عليهم لخبار 

قالولي حاني اصه نمشو معاك نحن املي نصرفو

مشينا ودخلنا البنك وتقريباً نص ساعة كمان على ماصرفولنا !

" لاحظو اني في ذي الاثناء نسيت ماما تماماً يعمل ناسيها الباس" !

الين قرب دوري فالبنك تذكرتها

قلت ويلي ماما ادور تعود زعلت

عدت نقول نمشي وانا باقي شوي ونخلص ونرجع مرة ثانية وانا ميتة جوع

ولا نستنى ولا شنعدل

تميت نفكر الين لحق دوري وصرفت لفلوس ومشيت

قلت لاهي ندخل نشري ونجيها هي مرهقة و اكيد ركدت 

جيت جبرتهم رجعو اغراضي ماجبرتها ولازم نجمعها من جديد

وعدت نجمعها من جديد والين خلصت وتليت نمشي نحاسب

جاوني نفس الرجالة البيظان اللي مشاو معايا البنك

قالولي نحن ذا ماتفاصلنا فيه شي

ذا يعرفوه الا الشباب الصغير وهاي يسلمك شريلنا شي نوكلوه

قلتلهم شتبقو ؟

قالولي الا نفس اللي شريتي انتي شريه لنا 

ههههههههه ضحكوني

انا شاريه شوكولا وشيبس وحلويات وشي من التفاهات

مشيت أخذتلهم نفس الشي تقريباً بس كنسلت الاشياء التافهة

مع انهم مصرين ناخذلهم نفس الشي !

المهم خلصت وشكروني ومشيت وحاسبت عن اغراضي

وخرجت

انا خارجة اراعيلي واحد من حراس الامن حق المجمع

يعيطلي ويأشر عليا اني نعجل !

انخلعت عدت نقول اش فيه مشبه عليا ولا انا سرقت عليهم ولا اش !

قام جايني يجري قالي انتي مجنونه

وكبظ الاكياس من ايدي

قالي امك بغات تجن عليك وين كنتي ويصكك ويعيط بكلام نصو ماني فاهمتو اصلاً

فهمت بعد ان ماما انخلعت عليا

خرجت تقابلت مع ماما واقفه دايره ايدها على فمها 

وتبكي !

قمت نجري شورها أول ماشافتني جات قاعدة..

حضنتها وعدت نسكتها و نقولها اراعيني انتي امالك

ماصارلي شي 

وهي الا تخرصني وتبكي :(

زي المسلسلات نحن فالشارع حاضنين بعض

ومعاها موظفين من الفندق وجماعة من البيظان مسافرين معانا

والدنيا واقفة على كراع واحد وانا نتسوق -_-

 يا الله والله كرهت نفسي ذاك الوقت

بس راضيتها وفهمتها اني رحت البنك نصرف

 وتعاقبت معاهم عشان كذا ماجبروني!

بعدين جاني شيباني تونسي الا اعيدل من شي

قالي امك من اليوم تبغى نتصلو على الشرطة 

قال انو سولها قالها بنتك متعلمة ؟

قالتلو بنتي متعلمة ومثقفة و أفهم منكم 

عاد يقولها مستحيل نتصل على الشرطة مادامت بنتك متعلمة 

انسان متعلم مستحيل يضيع ولا يتأذى

تقولو هي لا تتعين فمنيتي ههههههه

المهم ذاك الشيباني مرة وني بيه

الوحيد اللي تم يصبرها قالتلي انو

ويقولها انو عندو بنات ومايخاف عليهم لأنهم متعلمات ..

والين جيت انا عاد يقولها شفتي ؟ قلتهالك !

يقولها هذه البنت ماينخاف عليها D:

وبس جابولي اغراضي وطلعنا غرفتنا وتمينا نوكلو ونردو 

ونسهي ماما عن الزعل

وهي كل شوي تبكي وتبكيني معاها :(

والحمدلله على السلامة

 والله يسلمكم :)

تعرفوا 

جداً نؤمن بالصدف وطريقتها و أماكنها

تفرق معايا جداً وتخوفني

أول ف موريتان في اثنين توأم شباب نسخة طبق الأصل عن بعض 

أنا مانعرفهم 

بس صارلي معاهم شي غريب

أول شي أنا كنت شاكانو شخص واحد !

مرة كنا في المستشفى ماني فاكرة عند مين

المهم يومها كان هذا الشخص موجود وكان مرافق لمريض

و من الناس اللي يوزع ابتسامات كثير

المهم تم الا يخرصني ويبتسم وانا نشك انو عارفني

بس طبعاً ماتكلمت معاه ولا شي

بعدها بفترة

كنت فالمطار نستقبل حد أو نسيفط حد مش فاكرة كمان

وكان موجود وكان يخرصني !

وبعدها مرة أنا فالسيارة وفي الزحمة

اكتشفت انه في السيارة اللي حذايا بنفس ابتسامته الغريبة !

لوهلة حسيت انه شبح !

شكله مألوف وعكبت صورته بالمناسبة عشان ننعتو

 لحد كانو يعرفو ومانعرف كاني عدلتها

المهم هذا لو شي " أحدهم ريلاكس يسلمك " :/

المهم

الشخص قابلته كثيييييير في فترة متقاربة 

صرت نخاف منو والله

ولا مرة كلمني بس نتقابلو فكل الأماكن 

بعدين كنت ف عرس وكانو فيه الرجاله

وفيه اكاون وكل شوي يدخل واحد يقول كاف للفنانة وهي تغنيه

وانا مركزة نخرص المرجع نتم الين ذا هو نفس الشخص 

داخل وقال كاف وخرج!!

عدت نقمز اللي حذايا نسولها كانها شايفتو !

نبغى نتأكد كانو حقيقي ولا عفريت

استغفر الله العظيم شكلو املي يوحي انو عفريت :(

مزلت نعتلها نقولها ذاك اللي تركيه ازرق

ذا هو حذاه نسخة ثانية منو تركيه احمر

انخلعت والله و تليت نحجب ونسمي *_*

والحمدلله طلعت البنت شايفتهم واثنين توأم

وطبيعيين وكل شي 

التقطت صورة لواحد منهم مانعرف كانو ذاك اللي كنت نتصادف معاه ولا الثاني

اصلا يمكن كنت كل يوم نجبر واحد منهم

اصلا احتماليتهم تتضاعف أكيد بما انهم اثنين

حسب قوانين الاحتمالات 

لذلك ماتليت مستغربة من كم الصدف اللي جمعتنا

وبس بعدها انصرف العفريت ماتليت نشوفهم الحمدلله

والصورة اظنها انمسحت للأسف مانعتتهالكم -_-

موجب ذا كامل

اني ذاك اليوم كنت في الروضة الشريفة

تميت قاعدة نقرا دليل الخيرات حذا ماما 

الين ظهرت قدامي ديدا وجواااهرالضخمة الياقوتة

 يا الله قديش انبسطت بيهم

حسيتنهم اخواتي والله واني نعرفهم من زمان

وكانو واحشيني ولقيتهم ..

لقيتهم فأطهر مكان في الارض <3

الحمدلله

ياريت كل الناس كذا :*

.......

أنتِ امرأة لا أحسبها بالساعات و بالأيام
أنتِ امرأة تسكن جسدي قبل ملايين الأعوام
أنتِ امرأة صنعت من فاكهة الحب
ومن ذهب الأحلام ..

"عزف بيانو"

يا سيدتي ليس هنالك شيء يملؤ عيني
لا الأضواء و لا الزينة ولا أجراس العيد
ولا شجر الميلاد ..
لا أتذكر إلا وجهكِ أنتِ
لا أتذكر إلا صوتكِ أنتِ
تعالي تعالي تعالي
هاتي يدك اليمنى
كيف أتخبأ فيها ..
تعالي تعالي تعالي
هاتي يدك اليسرى
كي أستوطن فيها ..
قولي أي عبارة حبٍ حتى تبتديء الأعياد !

*في أغاني مايكفي منها سطرين :(
تعذب القلب <3

تعرفوا لما تكون حاس بضغوط الأرض على رأسك

ويجي حد غير متوقع يزيحها كلها ف ثواني بكلمتين ؟

حد ماجرب الشعور ممكن يعتبره شي درامي بزيادة 

أو مبالغ فيه بس نقولكم كيف أنا صارلي 

قبل شوي .. قبل شوووي

انا كنت مخلصة نص التدوينة اللي فوق من الصباح 

و وقفت وقررت اني ماني ناشرتها

لأنها ماعجبتني وماني حاسه برغبة في نشرها أصلاً .. 

وماهو من باب التغلي ولا لأن البعض الجميلين يطلبوني ندون ولا غيرو والله

بس في شي غريب مانعني ننشر .. شي يقولي ذا ماهو مهم

لاتعدلي شي ماهو مهم ..!

المهم كنت مقررة نطنش التدوينة 

فتحت اللابتوب وقعدت نتصفح 

نسجل ف أون لاين كورسس

 و نلود لطريقة نكمل بيها ماجستير حتى لو أونلاين 

راسي مضغوط وحاسه اني عندي طاقة دماغية

إذا مافجرتها في شي مفيد ممكن ننحرف -_-

المهم كنت فاتحة ثلاثة تخصصات فنفس الوقت نقرا عنهم :

البزنس ادمنستريشن

الماس كوميونيكيشن

الهيومن ريسورس مانجممنت

*هذا وأنا مافت لقيت بصيص أمل اني ممكن ندرس هذه السنة D:

فنفس الوقت فاتحة كتاب عبارة عن مجموعة مقالات علمية عن الذاكرة

 وطريقة عمل ذاكرة الانسان *شيء يخص روايتي *_^*

وفنفسسس الوقت فاتحة فيلم وثائقي عن قبيلة أفريقية زوينين

عندهم يوم في السنة ع حسب مافهمت

يتحفلو فيه الرجالة كاااملين وينعرضو

ويجو لعليات وكل وحدة تختار الراجل اللي عاجبها

وحتى لو هي متزوجة ! تاخذ ذاك الراجل يعطي معاها أيام 

الين تكلع قباها منو و تشعشع 

بعدين خلاص ينطلس الراجل عل همو وترجع هي لزوجها

ههههههههه حكلل مانهم زوينين ؟

استغفر الله منهم مضحكيني والله 

المهم ..

مدركين التشتت اللي أنا فيه ؟ 

فوق هذا صحتي مش ولابد 

صحباتي كانو جايين وسحبو عليا

و أحدهم نايم و اختبارو اليوم ماكان تمام

وأشياء أخرى .. 

يعني  المزاج رهيب بمعنى الكلمة 

فجأة ف وسط كل هذه الزحمة

يجيني تنبيه رسالة .. نفتحها فنفس الدقيقة على غير عادتي الغبية 

نلاقي ربيعة اللي آخر محادثة بيننا كانت شهر 2 

يعني قبل 6 شهور تقريباً !

نص الرسالة : وني بيك الله يصلح حالك و يوفيلك مرادك ف راسك

و يرزقك حبو و الأنس بقربه و يهدي قلبك

و ايحبب لك فعل الخيرات و ترك المنكرات 

و إيسرلك إعانة الناس و يقضيلك ما في علمه من حاجاتك إنه قوي عزيز .

!!!!!!

بدون مقدمات .. بدون مانكلمها بدون ماننشر حتى بوست اني متضايقة 

أو محتاجة شي أو أي نوع من التواصل

فجأة .. الله ألهمها إنها تدعيلي !

أنا خفت والله العظيم رجفت وانا نقرا دعائها وبكيت !

فجأة حسيت ان كل شي تافه .. قفلت كل الصفحات اللي كنت فاتحتها 

عدلت قعدتي .. مسحت دموعي وابتسمت وفتحت المدونة وبدأت نكتب ..

سعيدة .. شيء جداً جميل انك تكون من غير ماتعرف 

تستحق دعاء شخص عنده من الهموم والمشاغل اللي عنده ..

عنده حياة وعالم وأهل ودراسة وكل شي

و فوسط كل هذا يفتكرك ويدعيلك .. والله جميل و فرحتني من قلب قلبي

خلاص بذي البساطة انزاح كل الهم .. خليت كل شي على الله

تكلت كل شيء على هذا الدعاء .. وواثقة انه كافي

و انه كل شي حيكون تمام وكل شيء لاهي يتيسر و يتصلح ..

واثقة جداً .

الله يسعد قلبها .

جربوها مع ناس تحبوهم .. صدقوني أجمل من أي هدية ممكن تقدموها لهم :)

*ياهواي وياجنوني

يامن تساوي عيوني

ماقدر أحيا العمر دونك

وإنت ماتقدر بدوني <3

أيوه ..!

إذا إنت بنفسك .. ماتقد تتنبأ بتصرفاتك بكرة أو بعد بكرة ..

كيف تحاول تتنبأ بتصرفات غيرك ؟

لازم تخلو في بالكم شغلة .. عشانكم عشان مصلحتكم

عشان مايموت قلبكم

خلوا دائماً في بالكم إن كل البشر ممكن يتصرفوا تصرفات ماتعجبكم ..

 تصدمكم .. ماترضيكم .. عادي طبيعي جداً طبيعي

أنا مؤخراً .. خسرت صديق *كان* جداً جداً يعني لي ..

للأسف يعني 

إلى هذه اللحظة كنت رافضة تماماً نتكلم مع حد عنه

أو عن رأيي أو عن شعوري ناحية الموقف اللي صار بيني وبينه .

ماعدا أحدهم طبعاً .. واللي كنت معاه زي ماكنت مع نفسي 

مكابرة و لاغية فكرة إني خسرت بأي شكل من الأشكال !

ومزلت على فكرة .. مقتنعة تماماً انه هذا الشخص هو اللي خسران .

أنا من الناس اللي لما نغلط بحق حد عزيز عليا ..

نعتذر .. نحب نعتذر بطبيعتي 

مرات نعتذر بس لأني نبغى ننهي المشكلة حتى لو ماكنت غلطانة !

بس لما نكون حاسة اني غلطانه .. عندي استعداد نعتذر ألف مرة 

عادي عندي .. يعني مالاهي نقول خلاص اعتذرت مرة ويكفي !

لأ أنا بجدية مستعدة نعتذر إلين الشخص توصلو الفكرة اني اسفه .

بس مجرد مانحسها وصلت ينتهى الموضوع

يا ترضى وتسامح يا براحتك 

اللي اختار خسارتي يجبرها على زين حيلة ..

وهو ماحصلي فعلياً مع كثير أشخاص 

لكن .. لكن لكن

في حالات أخرى ..

نجوم السما تكون أقرب من إني نعتذر أو نتكلم مجرد كلمة مع الشخص ..

زي لما مانكون أنا غلطانة و ننظلم بدون ماتنعطالي فرصة نبرر

زي لما حد يهددني بخسارته !

زي لما نحس إني بلا قيمة حقيقية عند هذا الشخص !

نعم انا متضايقة على خسارة صديق مهم 

نعم أنا حزينة على ياسر من الثقه درتو فيه 

نعم أنا متأكدة انه لو كان يعرف الحقيقة كان اختلف تصرفه

لكن عموماً

الحياة ماهي على كيفنا

الحياة أتفه من كل هذا

و أغرب و أقسى 

ونحن ك بشر لسنا سوى أفكار قابلة للخفوت في كل لحظة .

كان فكرة .. و ذبلت و طفات و انتهات :)

يعني

بقيت نوصلكم فكرة انكم لاتكونوا واثقين جداً ..

فأي شي في الحياة .. لا تكونوا واثقين جداً .

أو كونوا واثقين شوي .. عشان ماتجنوا يعني D:

*طلع عاشق طلع مهتم

طلع دايب طلع مشتاق

وانا احسب وحدي المغرم

طلعنا اثنينا عشاق D: <3

مدري اشبي على الاغاني الهايفه -_-

وناسه قالت شدود 

لو تعرفوا قديش حلو وجميل حد من أصدقاء المدونة اللطيفييييين

اللي دائماً يدعولي أنا وأحدهم 

يرسلي يقولي باركيلي لقيت إحداهن <3

أو وحدة تجي تكلمني عن مشكلة خاصة فيها

تبغى رأيي ونصيحتي

مع انها ماتعرفني ولا نعرفها

مجرد صديقة للمدونة <3

ننبسط جداً .. حسيت اني أمكم D: 

صار لما يفرحو لما يزعلوا يجوني يطرو عليا أخبارهم و يفضفضولي 

والله شكراً 

شكراً على حبكم

شكراً على صبركم 

شكراً على دعائكم

شكراً أكبر من شكرناتكم كلكم لأحدهم <3

"المفروض تخلص التدوينة هون بس مزال فيا كلام -_-

أصلاً لي شهرين ماكتبت :(

كط لاحظتو ؟

لما تكون رايح مشوار في السيارة مع حد

 وماتعرف المكان اللي انت واعد منين ؟

تحس ان الطريق طوووويله و ممتدة ومخيفة و انك مشيت بعيد

 وانك تبغى توصل وفي لحظات تتوهم إنك ضعت ؟

عكس لما تكون عارف الطريق .. مستهدي

تحس انك قريب .. وتوصل بسرعة وماتنتبه للمسافة مهما كانت بعيدة !

أنا نحس ان الدنيا نفس الشي .. نفس مشوار السيارة

لما تكون مخطط و عارف هدفك و محدد طريقك ومشوارك

حتكون سهلة ومتيسرة وماتحس بيها الين توصل المكان اللي تتمناه 

عكس لما تكون ماشي على عماك

دايماً حتحس انك ضايع و انك مليت وان حياتك فارغة

وانك مانك عارف تمشي هون ولا هناك 

تدرس هذا ولا هذا 

تشتغل ولا تدرس ولا تركد ولا تمشي 

تصير تايه ..حتى لو في شخص معاك في المشوار

حتأثر عليه .. حتخربط تخطيطو وأفكاره

حتوقدو معاك !

وهو اللي صايرلي أنا

أنا ذي الفترة تايهة 

تذكرت النكتة المقسولة ذيك اللي تضحكني

المصرية قاعدة تبكي في الشارع جنب عمارة طويلة

جاتها تكرونية قالتلها اش فيك ؟

قالتلها أنا تايهة :(

قالتلها الله اكبر تايهة من فوق وماتموتي ؟

ههههههههههههه

 والله تضحكني يعملكم ماضحكتو -_-

المهم انا زاد حاسه اني تايهة من فوق وماتموتي

وقاعدة نطمّس نحاول نستهدى ..

ويارب نستهدى .. يارب نلاقي طريقي

يارب مانتيّه أحدهم معايا يارب .

وانتوما كمان مايحتاج نوصيكم 

حددو مشواركم عشان ماتتعبوا

خططوا و اكتبو كل شي في ورقة وخلوها دايماً قريب منكم

الحياة خطة <3

و احذفوا كلمة مستحيل من قاموسكم ..

لأن مافي شي مستحيل .. مافي

ببساطة شديدة .. مافي شيء مستحيل

والدليل مؤيد قبيل كان يلعب مع فايزه لعبة اسم حيوان جماد 

جا حرف الخاء

قام هو خلى كللل أسامي البشر اللي بحرف الخاء .. نساهم

وكتب : خَطَبَ 

قالتلو اش هذا ماهو اسم !

قالها أنا لاهي نجيب ولد ونسميه خطبّ ! انتي ش يعنيك ؟

كتلني بالضحك قلتلها صراحة جوابه مقنع خلاص خليه عنك أبو خطبَ D:

على طاري مؤيد

مانعرف ان كنت قد اكتبت عن لعبته الغريبه

بأعواد الكبريت ؟

anyway

مؤيد عنده لعبة مفضلة

يلعبها مرة فالاسبوع مرة في الشهر

حسب مزاج خاص عنده مانعرف يتحدد على أي أساس

اللي نعرف انها لعبة غريبة ورايقة بشكل ماهو معقول

وعلى فكرة يلعبها من هو صغيييير عنده يمكن 3 سنوات أو 4 .. ابتدا يلعبها

عنده كيس فيه تقريباً أربعين علبة كبريت أو أكثر

هو قالي أربعين أنا حاسه انها أكثر

وفيه قطع زي الريموتات اللي خاسرين

و كفرات الجوالات اللي خاسرين

واشياء كذا نحن نستغناو عنها وهو يحتفظ بيها ..

المهم

لما يبدأ يلعب لازم أولا يكون في غرفة فاضية 

لاهي تصيبلو هو لمدة ساعات .. ساعات !

مايدخلها حد ولا يقرب منها 

لاهي يكب الاعواد فيها

لاهي تدخل انت كشخص تطل في الغرفه 

تشوف اعواد الثقاب مرمية بشكل عشوائي في كل انحاء الغرفة

مع الاشياء الاخرى

بنظرتك انت تشوفها بشكل مجموعات عشوائية و غير مرتبة 

وهو يتنقل بينها بصممممممت .. مايتكلم ولا شي

بس كل مرة يلتفت على مجموعة 

ويتم يخرصها ويحركها احياناً شوي يغير الاماكن يبدل أماكن الأعواد

مع انها نفسسس الأعواد !

قعدت حذاه ليلة كنت تعبانه وهو يلعب

قلتلو اسمحلي نتكي فذا الركن وماني متكلمة ولا متحركه

قالي طيب 

قعدت نراقبو .. الولد مركز تركيز شديد 

بكل حواسه يفكر و يلعب ويشتغل !

قعدت نسأله عن الفرق بين الاعواد والمجموعات والفوضى اللي في الغرفة

اكتشفت ان لعبته تعتمد على الخيال في الدرجة الأولى

هو شايف المنظر في مخيلته

انه هذه جيوش وضباط ومحاربين وأعداء و شرطة ومجرمين

يعني عالم كامل هو شايفو ويحركو 

بأساميهم بمراكزهم بشخصياتهم

كلها في خياله الصامت !

اندهشت صراحة

تبارك الله ولا حول ولا قوة الا بالله وماشاءالله وبسم الله الرحمن الرحيم

^^ قولوها

حسيت انه شي جداً جميل وذكي ..

قاعدة نفكر في طرق ممكن نزيد بيها خياله ومافت لقيت شي واضح

إذا فيه أفلام تصلح للأطفال

إذا فيه قصص أشياء مرت عليكم وحسيت انه فيها تشغيل مخ أو تخطيط

اقترحوها عليا .. رجاء يعني :)

وحاولوا تركزا على الأطفال من حولكم

زي ماكنت نقول لأحدهم قبيل

الحوار والتواصل شي ضروري معاهم

محاولة تفكيك شخصياتهم

محاولة معرفة اهتماماتهم وميولهم

مافي طفل غبي ومافي طفل ماعندو موهبة

ومافي طفل فاشل نهائياً .

بس في طفل مُهمل و في طفل خارج نطاق الرؤية .

وفي طفل غير مُكتشف أو غير مفهوم 

والطفل إذا انت اللي كبير مافهمته و فهّمته نفسه

ماحيفهم و حيكون دايماً تايه من عمارة كبيرة وماتموتي p:

و يارب تكونوا مبسوطين دائماً :)

إلى اللقاء ..

*نحبك يافطّو يا أول وحده قرأت جنوناتي <3

منورة كثيراً :*

monte escalier