تنهيدة

ماني متأكدة كان عندي تدوينة سابق ذي بنفس العنوان ولا لا .. 

عموماً لا بأس ..

*تنهيدة عميقه جداً*

عن اليوم اللي تستيقظ فيه بدون رغبة في الحديث مع أي كائن بشري 

تحس انك تبغي تختفي شوي .. من العالم 

تختفي وترجع بعد شوي

زي إنك تسافر لدولة ماتعرف فيها حد وماتعرف لغتها " إيطاليا مثلاً "

تشتري آيسكريم و تقعد على مقعد في حديقة عامة لمدة 6 ساعات تقريباً 

صامت .. تتأمل .. الين يرتاح مخك وتهدأ 

تركب الطيارة وترجع من مكان ماجيت وتحضن نفسك لما ترجع .. !

"الرحلة أعلاه أنا كنت نعدلها إلى و من سطوحنا ..

وفعلاً نحس اني سافرت و نحضن نفسي وانا نازله من الدرج ،

بس ماتلا عندنا سطوح وماتلا في مكان نهرب لو و نسترخي فيه وحدي

لذا تحملوا كمية البؤس في التدوينة دي"

هو ماهو بؤس .. هو شعور بارد مانعرف كيف !

كيف نشرح الشعور البايخ دا ؟

انك تحس انك مندحس من نفسك ماهو من حد ثاني

من كلامك و من صوتك و من وجهك !

أنا واقعالي اليوم .. معدودة جداً الكلمات الي نطقتها اليوم

قاعدة نحاول نتذكر كم مرة ضحكت اليوم و ماني متذكرة كون مرتين

 وحدة لما انبليت من الما  قبيل العصر

و الثانية  لما كان يكلمني مؤيد قبل شوي يقولي انو عاد سمين بيه وكيل السعودية !

مانعرف ليش مكشرة مشيوّني !

مع انو كل شي تمام 

الحمدلله صحتي تمام

ونفسيتي المفروض أنها تمام 

و أحدهم تمام ^^

والدراسة خلصت و مزلت نحاني النتائج اللي يارب انها تمام 

و خويا الرهيب اشترالي شنطة جميلة نعتلي صورتها قبيل <3

مع كل هذا استغفر الله العظيم ماني عارفه امالي

اكتئاب مابعد الامتحانات شكلو :/ << ههههه حلوة دي 

عموماً أنا شخصية مزاجية غبية

الله يعينك ي اللي مضطر يتحملني أنا ونفسيتي :(

أعوذ بالله من الشيطان الرجيم

لا و هذا كامل كوم والرقاد كوم ثاني

مع العلم اننا في فترة حامية جداً و البرد ماهو خالق

بس صايرة نرقد بدري و نوعى متأخر 

يعني نرقد 12 او 13 ساعة في اليوم !

وأنا عادة نقول ان النوم تضييع وقت و مانحب نرقد كون الين نكون مضطرررة نرقد

طاريلي موجة اني مانقد نقاوم النعاس و صرت نعسانه طول الوقت واشياء غريبة صراحة 

في ايه ؟ معرفش !

عموماً ممكن تكون مرثة السنة الدراسية أو شي هيك 

كلنا تجينا حالات نفسية زي ذي وأغرب كمان

و تعدي ونرجعوا طبيعين وجميلين

الصعب ف الموضوع اننا كيف نقنعوا اللي حولنا و اللي يحبونا ويخافوا علينا

ان الموضوع مالو علاقة بيهم .. انو شي من داخلنا نحن ؟

أنو نحن نبعدوا عنهم ونسكتوا عنهم عشان خايفين مزاجنا السيء يأذيهم أو يزعلهم

ماهو لأننا متضايقين منهم أو لأنهم السبب في سوء مزاجنا !

كيف ؟

وكيف نقنعوهم انو صبرهم علينا و استيعابهم لحمقاتنا

هو أجمل شي ممكن يعدلوه لنا فذي الحالة !؟

بس الموج مايساعد

ولا الأقدار بتساعد

يابنت النور .. ياعقد من الوله منثور .. 

بدأت التخطيط لعطلتي الصيفية.. 

و يعنني شخصة منظمة و انسانه واعية

كتبت لييست من كم شغلة المفروض اني نعدلها فذي الاجازة 

و ان شاءالله يارب يخلق منها شي 

ولو شي واحد يارب :(

فين تنباع العزيمة ؟

حاسه انو عندي طموح و نعرف نخطط للأشياء الي نتمناها

و نفكر فيها ويصير كل شي تمام وخلاص ماباقي كون نطبقها

و أول يوم نتحمس و نعدلها 

ثاني يوم و ثالث يوم تبدأ عزيمتي تذوب

و نوقف !

واتم أفكاري زي الغصة ف قلبي

لا عدلتها ولا وفيت منها :(

<< كأني نتكلم عن لبلوح D:

anyway لبلوح الا واحد من الألف مشروع اللي عندي تحاني نجبر

 مكان يبيع عزيمة وإرادة عشان ننجزها .. الله كريم

ع فكرة الغبي رجع مرة ثانية وسرق حديدة كراع سيارتي لوخر !

وضحكني مرة ثانية ..

باقي ثنتين بس لو كنت نعرف عنوانو نكلعهم

 ونجيبهم لو مزيونو و مزيقلوا هههههه

عارفين 

مستحيل تحسوا بقيمة الشخص أو الشيء اللي ف يدكم و عندكم وحولكم

إلا الين تفقدوه أو يبعد عنكم ..

كل الناس تقول ذا الكلام

بس ماهو كل الناس حست بيه ..

قصدي ان البيت من غير مؤيد كئيب

ماني متحملتو .. و مانعرف كيف مزلت عندهم

عيله مكدره .. مافي حد نصكك عليه ولا حد نبطو

ولا حد ندايق معاه !

توحشتو .. الله يجمعني معاه :(

في شي غريب يخليني نحس انو أنا عندي مشكلة مع الرجاله اللي نحبهم

كلهم لازم يكونو بعيد مني ..

بابا بعيد من زمان ومانشوفوا كون 3 شهور ف السنة

خويا الوحيد متغرب من سنوات 

و الشخص اللي " نبقيه " بعيد كمان

و حتى مؤيد رجلي الصغير البطل 

اللي كنت نترجل بيه مع صغر سنه

سافر عني ؛(

مانعرف ليش واكيد فيه حكمة من الله لكل هذا 

 الله يخليهم لي بس ويعملني نتم عالمه بيهم 

عشان كذا مانبقي ننجب أولاد كثير بقد مانبقي نجيب بنات 

الأولاد دايما يمشو ويكبرو ويبعدو ..

ماندورهم .. زعلانه منهم  ؛(

<"تبكي الخبله D:

مابدي غيرك بالدني ابقى معو

ادعي لربي إن غاب لحظة .. يرجّعوا !

اغمرني حبيبي .. 

نحب كلمة اغمرني باللبناني 

نعشقها نعشقها كلمة لذيذة جداً <3

زمان كانت عندنا شغالة اسمها السالكه

كنا نتابعوا مسلسل 

و بدأت الحلقة و قمنا نعيطوا كاملين انو واو ذي الحلقة الاخيرة !

فجأة تكلمت هي من ركن الغرفة و قالت

الحلقة الاخيرة الا اليقوت زاد !

نحن تفاجئنا وكلنا بصوت واحد سولناها قط شفتيها ؟ شلاهي يخلق ؟

<< متحمسين 

وهي بعفوية قالت لا .. بس الحلقة الاخيرة دايما زينه ..!

ضحكنا الين ذاك و عادت مثل شهير في البيت عندنا من كم سنة 

" الحلقة الاخيرة دايما زينه " 

كنت انا وعفاف ذاك اليوم نتكلموا وجات ذي العبارة مانعرف أينا قالتها ..

بس لما قلناها اكتشفنا انو الزمن تغير 

وقلنا فينك يالسالكة نقولولك ان الحلقة الاخيرة ماتلات زينه

لا في الواقع ولا في المسلسلات

حتى الافلام عادت دايما نهايتها حزينة

ماتلات في ذيك الافلام اللي نهايتها حضن !

ولا ذيك المسلسلات اللي نهايتها يتصوروا كل الممثلين مع بعض انهم العيله السعيدة 

ولا في قصص الحب الواقعية اللي ف نهايتها اشياء جميلة 

ولا في شي حلو

حسينا ان الدنيا عادت ماسخه

والدليل حتى الحملة الانتخابية اللي كان الشعب يحانيها طول السنوات

طلعت باااايخه ولافيها شي يلفت الانتباه

فاكرة الحملة الماضية كان معانا أمين يرحموا

كانت رهيبة 

الحفلات و السهرات و كيف الشعب كامل يرقص 

ومستحيل تمشي مترين ماسمعت الهول ولعياط وارقيص

صح انو من ناحية السياسة الجو زفت

بس كان الشعب مهتم بالتشعشيع بعد وعاتن عليه

ظرك الشعب كامل عاد متأثر بالسياسة

ماتلا في حد صايب يفرح ولا يرقص ولا يتنهول !

و موريتان عادت شوينه 

أنا ماني راضية عنها نهائياً 

وماني راضية عن نفسي بالمناسبة !

نفسي نفهم أنا ليش مكشرة ظرك قالبني ؟

ياربي مني 

ما أبي شي ، أنا جداً قنوع

ما أبي إلا إنت و كلّك لو سمحت !

ومانحب الناس عديمي المسؤولية كمان << خروجو 

وعلى طاري خروجوا املي متى يخترعوا جامعة ذكية

 تركز على رغبات و ميول الطلاب وتدرسها لهم

حتى لو كانت خبطة ف السما وخبطة ف التراب !

بعيداً عن التقيد بتخصص واحد و مواد إجبارية ؟

قعدت نفكر ذاك اليوم انهم لو مثلاً اخترعوها اش كانت

 لاهي تعود مواد تخصصي .. و جمعت كم مادة نحبهم و عدلت منهم تخصص مرة لذيذ ودني نتفوق فيه على كل العالم لو انهم يدرسوه لي !

ذي المواد لعل يرفد حد قباها :

أحياء ، تفسير قرآن ، علم الصخور

مودرن دراما ، رقص ، أدب عربي ، فونولوجي 

، كيمياء ، قانون ،عزف بيانو ،سينتاكس

ومش مهم الاسم العام للتخصص !

ممكن يسموه عليا يعني مثلا كل شخص اختار كولكشن جديد يسموه باسمه

وبعدين اللي حابب يدرس نفس التخصص يتم يقولولوا اش تخصصك ؟

تخصصي خدّو D:

شي جداً جميل والله << الثقة املي

أصلاً شكلي لاهي نعقب انا نفتحها ف الأخير !

جدياً الموضوع مأرقني -_-

المهم جربوا تجمعوا مواد تخصصكم وخلوها جاهزة

 لعل نفتح جامعتي في يوم نصير نعتمدها تخصصات رسمية p:

"نو ماني مجنونه ؛)

أنا مستغربة شوي

تخيلوا 

عارفين انو عند البيظان في فكرة ان أي شي عدلوا الشخص يوم الجمعة

لابد ولسبب أو لآخر يعيدوا .. 

ممكن يفشل ويضطر يعيدوا أو لأي شي ثاني

المهم انهم مؤمنين ان شغل الجمعه معلول .. ولابد ينعل ويتكرر !

أوك الفكرة بحد ذاتها عادية يعني

لأن الشعب الموريتاني عندو اعتقادات كثيرة خاطئة 

ومثيرة للتعجب بس يعني عادي متعودين يعني

اللي استغربت انا منو كمية إيمانهم بها 

"أحدهم قطع حبل أفكاري  <3"

اللي كنت نقول انو في ناس نعرفهم توفى جدهم يوم الخميس

و المفروض ان العزا يبدا من يوم الجمعه صح ..

ف هوما مؤمنين ب فكرة شغل الجمعة ذي

ف قرروا انهم مايبدأو العزا يوم الجمعه ومايقراو لميتهم

وما يوفوا لو شي .. عشان خايفين يموت حد ثاني و ينعلّ شغلهم !!!!!!!!

ف أجلوا عزاهم ليوم السبت !!!!!!!!!!

استغفر الله 

حقيقي أهل العقول فراحة و حقيقي الجهل حرّ ويوجع القلب ..

مانعرف كيف يعني ماني عارفه نعبر عن الموضوع

بس من جد شي مؤلم .. الله يعفي عنا وعنهم 

كلنا عندنا خرافات مؤمنين بيها .. 

مهما كنا أذكياء لازم فيه مساحة خيالية غبيه شوي ف عقولنا 

بس غلط انو نخلوها توصل لذي الدرجة

انو نخلطوا أوهامنا ب علم الغيب أو أنو نعتقدوا انها ممكن تغير القدر أو تأجل أو تعجل شي مكتوب في اللوح المحفوظ !

شي غريب والله !

قولوا لها إنني لازلت أهواها ..

باط إل ماكان شي D:

قد مانحس انو في ناس تافهة ف العالم

وماهي واحله ف شي

وحياتها سطحية " وأنا منهم "

قد مانحس ان في ناس شغاله 

عايشه حياتها صح و مغيّرتني

شعور إني مانقد نعيش كل حياتات الناس الرائعين ولا نقد نجربها

وان في أشياء كثيييير في العالم فايتتني

أماكن و أحداث و حوارات و ابتسامات و آيسكريمات

و أصوات جميلة .. 

شعور مؤلم يحسسني اني تعيسه شوي

ان حياتي محصورة ف ركن صغير من الكوكب

من مجموعة نتفه من البشر اللي نعرفهم

مع كمية تشيشه من الآيسكريم اللي قط كلتها ف حياتي 

مايكفيني كذا !

حاسه اني نبغى نعيش شي ثاني وثاني وثاني 

وأشياء كثير نبغي نعدلها ونجربها ونذوقها

وكل الأيام اللي قاعدة تروح مني بدون مانعدل شي ممتع

توجعلي قلبي وتبكيني

زي اليوم مثلاً 

عارفه اني مبلوقه واني مانسال فمولانا شي

ونحمد ربي اللي بأهلي واحبابي وإنتَ و وطني وكل شي جميل

و فعلاً حامده مولانا حتتتتتت على كل الاشياء الحلوة اللي عندي وغيري يتمناها

بس حاسه انو في اشياء انا نستاهلها ربي ماهو حاكمها عني

انا اللي حاكمتها عن نفسي وانا اللي ماني عارفه نحققها كيف !

فاهم عليا ؟ 

انو التقصير مني أنا :(

عموماً بكرة نصير تمام :)

سلام

monte escalier