" البنت اللي جاتني في الاسك و طلبتني نكتب تدوينة حتى لو مافيها موضوع مهم ،
نهدي لك هذه التدوينة اللي مافيها موضوع مهم :) "
ليه خليتني احبك ؟
بدموعي الحيرانه وعيوني السهرانه
بدعيلك بأمانة ، روح منك لله !
لما أغنيه نسمعها صدفه بعد سنين غياب
نحس انها كانت راقدة في ركن من روحي
وتلقائياً ينتفض قلبي معاها و يجيني ذاك الشعور
اللي مانعرف كانو يجي لكل الناس
نحس في شي يدغدغ قلبي
بعبارة اكثر شوين ، كأنو شي يهرّ قلبي !
اصلاً انا عندي فكرة
انو مثلاً لما نبحث عن اغنية و نسمعها مهما كان حبي لها وجمالها
مايكون طعمها زي لما نسمعها صدفة في راديو او في سيارة تاكسي
او في نغمة حد حذايا يقطعها فيا ويقول ألو !
و نفس الشي مع الناس
مانحس بمتعة لما نرفع سماعتي ونكلم حد
يعني نفرح بس ماهو قد فرحتي لما نجبروا صدفه وبشكل مفاجيء !
عموماً ، الصدف جميلة <3
ليش و ايش و لمين
مانعرف !
اللي نعرف اني حسيت ان يدي تبغي تكتب
جيعانه من التدوين و الثرثرة ،
الثرثرة بدون مايتحكم فيا مية واربعين حرف بخيلين !
و بدون مايحاصروني فلاسفة الفيسبوك الي مايكتب حد كلمتين ماعدلوا منهم مردة !
كيف ممكن نكون متناقضة لذا الحد ؟
نجوع من الكتابة و مالي نفس نكتب
نجوع من النجاح ومالي نفس ندرس
نجوع من الكتب ومالي نفس نقرا
نجوع من الاكل كمان و مالي نفس نوكل !
كمان نجوع من الحب و أبداً مالي نفس نحب !
....
فاصل إعلاني :
حتى لو رسلتلي صديقتي قصيدة جميلة كاتبتها و تبغى رأيي فيها
حتى لو تلفنلي صديق فرحت باتصاله و ابتسمت لرقمه ابتسامه كبيرة
حتى لو كنت عطشانه جداً و الشراب قدامي و ف بالي الا عطش النهار
كل هذه الاشياء الجميلة ..
ماهي كافية إني نقطع حبل أفكاري اللي مامنشور عليه ولا فكرة ،
و نوقف تدوينتي اللي مافت بدأت فيها ،
و كأني صرت عشان نكتب محتاجة ننعزل ..
محتاجة ع الأقل ساعة زمان بدون مؤثرات خارجية ، صفاء ذهني :)
عموماً .. الدنيا مش طايرة
لما نخلص نكلم صديقي و نرد على صديقتي و نشرب !
..........
المهم ذا ماهو موضوعنا ،
أنا اللي ببيع ياسمين
ياترى مين ح يضم الورد ؟
حلوة دنيا مسعود , حبيتها .. شكراً أمينو :)
شو القصة ؟
حاسه اني في عزلة اجتماعية ماهي طبيعيه
تقريباً 90% من علاقاتي الاجتماعية متوقفة !
م ت و ق ف ة "ون" ون=التنوين
اممممممممم
طب انا ليش مكشرة وانا نكتب ؟
الحياة حلوة
لا ماهي حلوة :(
في شي لاصق في بالي ،
قبل فترة و نحن ماشيين للمطار نصيفطو مامتي الثانية
و نحن جايين من عرفات الساعة 4 الفجر تقريباً
الشوارع ظلمة ، و السيارات تنعد ع الاصابع
و الجو بشكل عام مخيف ..
أصلاً أنا ولا مرة خرجت في انواكشوط بعد الساعه 3 الفجر
بدون مانقول عبارتي الشهيرة ،
" لو جاوا النصارى وصوروا فيلم رعب في انواكشوط ذا الوقت يدور يعود أنجح فيلم رعب في العالم ، خصوصاً لو كان التصوير في مرصة كبيتال ! "
المهم ذاك الوقت وقبل مانقول عبارتي الشهيرة ، شفنا واحد سكران !
ماشي في الشارع و رافد *قنينة الشراب* !
و شكلو مخيف و محزن و مانعرف نعبر عنو
كان *يترنح* و يوقف فوسط الشارع و *يحتسي القليل* و يمشي !
**** = الكلمات اللي نعرفهم الا في الافلام و مانقد نقولهم كون بلغة الترجمة!
مسكين وهو بيبي ،
أكيد مامتو ماكانت تخيل انو في يوم لاهي يكون بهذا الشكل !
و انا نفكر فيه و في والدته و أهلو و حبيبته الأولى
مرينا على واحد ثاني من نوع ثاني
شيباااني رافد شي من امبورو مايوفا على اكتافو
و ماشي يوزعو على لباتيك !
ماشاءالله ماني متعينة في قوته اللي مخليتو قادر يقاوم قسوة الحياة إلى هذا الحد ،
بس أنا متأكدة ان سر القوة هذه أكيد هو الحب ،
أولادو أحفادو .. أكيد يحبهم جداً وهذا اللي مخليه يمشي في وقت مايمشي فيه
إلا هو أو السكران أو اللي رايحين المطار !
مانبقي نقول ان الدنيا قاسية و ذا النوع
لأنو الدنيا بكاملها
اول شي حاني نقول
بالعادة أنا وعفاف لما نعدلو شي غلط
او نفكروا نعدلوا جريمة أياً كانت ،
و نحن نفكروا فيها تفكير جماعي ،
أنا عندي عبارة شهيرة كمان لابد نقولها كل مرة ،
نقول " يعني أقصى أقصى شي يقد يخلقلنا شنهو ؟ "
و على اساس إجابة ذا السؤال العبقري نكملو جريمتنا :)
ذحين زاد الدنيا ماهي قاسية ، ليش ؟
لأن أقصى أقصى أقصصصصى شي ممكن يحصل فيها ، شنهو ؟
الموت .. وهذا كان و مزال أبسط و أقرب شي ممكن يحصل :/
يعني الفكرة ان الدنيا بسيطة .. بديهية
المفروض ان مافي شي يفاجئنا فيها ،
لسببين
الأول ان مافي شي يخلق فيها
إلا وقط اخلق !
الثاني إن مافي شي يخلق فيها ويعود ماقط اخلق
إلا ودنو يخلق مرة ثانية ،
بسم الله الرحمن الرحيم
ذي اللحظة تعينت فيا عفاف !
قالتلي بشوري ع الكيبورد ارحميه :(
حسيت أيدي وجعتني :(
لااا .. عرفت سبب غيبوبة المدونة :(
مُعيّن فيها اقلعو عني النظرة :(
المهم
جارنا راجل كبير في السن
عايش مع اختو الكبيرة في السن كمان
عايشين لوحدهم !
هي ماعندها ذرية .
وهو عندو ولد مسافر دايما .
هوما عايشين حياة طبيعية ..
بس فكرة انهم لوحدهم ، و ان مافي اطفال في دارهم
و انهم حزينين فداخلهم ، فكرة توجعني :(
أصلاً هذا خروجوا وماكنت نبغى نتكلم عنهم :(
الله يلطف بينا وبيهم !
نسيت نقولكم
انا عدت سائقة محترفة
وماعندي رخصة
ولاتحسبوها اني سائقة محترفة حسب السياقة العالمية
لا ياعمري
السياقة في موريتان احتراف ثاني
عارفين انو موضوع سهل في كل الحياة انك تمشي على قوانين معينة كي تفعل شيء .
الصعب والمحتاج موهبة هو إنك تتعلم تتقن شيء بعشوائية :)
بعشوائية يعني مع كل أنواع الدواب ، يعني على الاسفلت و على التراب و على الرمال وعلى الصخور املي و أحياناً في المستنقعات المائية !
أوك ؟
هون أنا موهوبة تبارك الله لانني تعلمت القيادة العشوائية
اللي يفعلونها أهل موريتان كل يوم ،
تخيل تسوق مع شعب مايحترم اشارة المرور ؟
تخيل نفسك واقف عند الاشارة لوحدك
والناس يمشو من حولك يضحكون !
بس لأن شرطي المرور ماهو فم !
مانهم مؤدبين اصلا :(
تخيل حاجة ثانية
اتم ماشي تسوق بقمة الادب و التهذيب
إلين يطن في راس واحد ثاني انو يوقف !
و يوقف !
وانت إذا حبيت .. وقّف فجأة و عليك وعلى أعدائك
و إذا حبيت " طير " عادي طير :)
أصلا نحن أكثر شعب يدعو للطيران
نادراً يمضي يوم كامل ماقالك حد " طير "
نادراً جداً مهم كنت كبير ومحترم
راح تسمعها حتى لو من زوجتك !
هذا غير عن الحمير و سيارات التاكسي و المزاجيين و المغرورين
والنسونجيين ..
لا السياقة في موريتان موهبة ،
في مرة وقفني صاحب مسقارو ،
قالي اوراق الوتة :)
عطيتو اوراق الوتة
-تامّين-
قالي رخصتك !
" وانا طبعا بلا رخصة مشعشعني "
ماعدلت اللي فيه الباس
اخذت صكي و فتحتو
وخرجت اللي عندي من ورقة
القديم والجديد و بطاقات الجامعه و دكتور الاسنان
و فواتير السوق اللي من السعودية و ما ملكت يميني ،
والين وفيت من التفتيش ، صديت عليه وقلتلو
الرخصة بقات في صكي لوخر :)
طبعاً هو مايقد يقول شي قدام هذا الكم الهائل من الوثقة !
قالي اوك تمي ارفديها و تفضلي :)
و عدات بسلام و بعدها ماوقفوني
وان شاءالله ماتلاو يعدلوها ويوفروا عليا ذنوب الكذبة مرة ثانية
وان شاءالله قاع توخظ رخصتي ونرتاح :(
رمضان جميل ،
مع ان الاوضاع السياسية مزفتة في كل مكان
لا ماقصدي السياسية ، الله يحرق السياسة
قصدي الانسانية :(
الله يعين كل المظلومين وياخذ لهم حقهم يارب ،
عارفين
من كم سنة و أنا تجيني حالة غريبة
نقد نسميها " فوبيا الموت المؤقتة "
بين كل فترة وفترة ، تجيني ليلة نعيش فيها جو الوداع ،
باختصار نتأكد اني لاهي نموت ذيك الليلة " بعيد الشر "
ومانموت !
هاهاهاها مغباني لما كتبت " ومانموت "
كأني إذا مت لاهي يكون في مدونة اصلاً ؟
المهم
اللي يصيرلي
إني فجأة نحس بضيق تنفس
ونبدأ نسمع دقات قلبي و يبدا يسرع و يبطأ
كأنو في يدي !
ومباشرة تجي في بالي فكرة الموت !
ماتليت نرقد
مانبقي نموت وانا راقدة
ومانبقي نموت إلا وربي راض عني !
كل مرة عشت فيها ذي الحالة نحس إني قد ما نتألم فيها وننتظر و نبكي و نفكر في أهلي بدوني ونبكي نيابة عن كل شخص فيهم !
على قد مانحسها ليلة من النعم ، يخصني بيها ربي زي التنبيه !
انتبهي انتي واحلة فاش ؟
تذكري ضعفك و قرب الموت منك
تذكري ان انسان
وتذكري مخلوقة لاش ؟
وشوفي قد اش انتي مقصرة :/
قد مابكيتي و خفتي وتوهمتي الألم
قد كل هذا انتي بعيدة عن ربك
لو كان العكس ماكنتي خفتي لذي الدرجة !
طب فعلاً أنا خايفة :/
خايفة من سؤال و شبابك فيما أبليته
خايفه منو أكثر من خوفي من النار
خايفة من شعور الاحراج من إجابته !
الحشمة من إجابته :/
بالله ماهو شي يخوف ؟
لايقول حد اني نكدية وجايبه سيرة الموت و الكدر و و و
و ع فكرة انا مبتسمة :)
إلا صح تذكرت شي !
من يفتيني ؟
عادي نبتسم وانا نصلي ؟
مرات في التراويح نكون نصنت لتلاوة الامام ،
نسمع آيات زي مثلا آيات وصف الجنة أو المؤمنين يعني أشياء جميلة
تلقائياً نلاقيني نبتسم و نقول لاحرمتنا !
بعدين نقول استغفر الله ونسكت -_-
و كمان الين نسمع آيات الوعيد و العذاب
نعقد حواجبي و ماننتبه لنفسي إلا و أنا مكشرة ونقول أعوذ بالله !
استغفر الله من وجهي ذا الي مانسيطر عليه :/
المهم ماعليكم مني
أهم شي النوايا و أنا نيتي أزين من وجهك ياللي تقرا D:
باي قال زين الشوين
هيييه انا جواهر
ردحذفبس قبظني لقبا .. ليش ماتبغي تموتي وانتِ راقدة
عن نفسي انا قنعتني بنوتة صغيرة قالتلي انها تبغى تموت وهي راقدة عشان ماتحس بالألم *سكرات الموت* واقتنعت بس ترا والله مافي أحسن من حد يموت غريق ماتتألمي وتعودي شهيدة .. هييي انك ماعديتيني بالثرثرة حقتك خلاص خلاص انا بنت هادئة وحسي ماهو ياسر خلاص لاهي نسكت عنكم .. يمد فاعمارنا ان شاءالله بالصحة والعافية
في انتظار التدوينة القادمة ان شاء الله :-)
ههههههههههههههههه اول شي ياشريرة لاهي تقوليلي انتي ماني هادئة وحسي ياسر :( يعمل يعمل اصلا عادي *_*
ردحذفبخصوص الموت يبطيه عني و عنك وعن احبابنا يارب العالمين ،
صح فكرة الموت في النوم يمكن مافيها الم .. بس مانبغى نموت لوحدي وماحد منتبهلي :( ننبغى نكون شايفه اهلي وحاسه بيهم وشايفيني ونودعهم ! مانعرف نحس ان الموت في النوم مخيف أكثر !
و في كل حال ربي يكتبلنا حسن الختام يارب يارب <3
نورتيني جويجه الحلوة :)