ملاحظة : هذه التدوينة طويله جداً و فيها قدرٌ من القسلة *_*
انتي بعدك حلوة و صرتي احلى
بحبك بحب عيونك لما بتحكي
وكيف بترسم هاك الضحكه
بحبك ، امبارح انت اليوم وبكرة
اشتقتلك ماعندك فكرة
صعب بعمري تصبح ذكرى ..
يارب نعيش ايامنا سوى :)
هذه الاغنية الوحيدة اللي تحبها مام
لا و كمان اغنية وردة بتونس بيك ،
شكلو بابي قط اهداها لها. ^_*
في يوم من الأيام الجميلة
في صباح الاربعاء ٢٢ / ١٠ / ١٩٨٧
الموافق ل ٢٩ /٣/ ١٤٠٨
تنفست أول تنفسات لي في هذه الدنيا
و فوراً سماووني خديجه ، على اسم صديقة مامتي
الي مسميه بنتها صديقتي على ماما ،
و بعدها طبعاً اطلق عليا عدة اسماء احبها جميعاً
و احبها الى قلبي سلم بوها
و آيّا و سلمبوخه و .. الخ
( انا لو جبت مليون بنت ماني مسميه وحدة منهم
على صديقة لي ، نبغاهم مستقلين مانهم نُسخ )
يومها ماكنت و لا كانت مام ولا بابتي
يعرفوا قد اش لاهي يكون عمري
و كيف لاهي نطلع و اش لاهي ندرس
و مين لاهي يتزوجني و شو اسماء ولادي و و و .. !
بعضها عرفتو و بعضها مزال غامض !
ماكانت بيننا معرفة و بما اني انا اخر العنقود
و اللي ماجيت الا بعد ٥ سنين انتظار
بدأو يتعرفو عليا و يكتشفوني
كائن جديد ! اش جايبه معايا ياترى !!
ع فكرة انا لما نشوف اي طفل يلفت انتباهي
اول شي يخطر على بالي هذه الاسئلة
اش لاهي يضيف للعالم !
و كيف لاهي يطلع صوته/ا لما يكبر !؟
و نتخيل ملامحه !
طفولتي .. شي ولا مرة كتبت عنو حتى في مسوداتي
و مذكراتي الخاصه قبل هذه المرة !!
خايفه ننساها ! و خايفه تنساني !
بدأت طفله شوينه
و عدت عزبه خاسره
و بعدين شويبه بكايه
و الان سلم بوها الخبله
و عقبال كهله عاقله يارب
و عندي قصص كثير بعضها متذكرتو
و بعضها من حكايات اهلي الشريرين :)
مؤيد لما نقولو عيب وذا مايتواسى
يقولي آيا تعرفي ان ذا كامل كنتي تعدليه
و الين كبرتي عدتي تعدلينك عاقله !!
" مسيكين العقل بعد "
ولما يتكلمو عن طفولتي ،
مؤيد اكثر واحد يستمتع
يحس اني نشبهلو :*
في عمر ٥ الى ٧ سنين
كانو يسموني بهلول بسبب شعري المجعد الجميل
كنت واثقة من نفسي لدرجه
مانخليهم يسرحوهلي
و ماينحكم طول الوقت متشعطط :O
و سنيناتي كانو مسووووسين لونهم اسود تخيلوا
و كنت فخورة بيهم ، كنت اي احد نشوفه
حتى لو معرفوش
نكششش لو و نقول شوفو اسناني فيهم ورشة
( ورشة تصليح سيارات )
ماكنت نحب نلبس نعايل و شراب وذاك النوع
لالا مستعجله عن ذاك ، مع اني مؤدبه
و اهلي ماهم باخلين شي يغير قالبتهم ف الظبطة
وكنت مقتتتتنعه اني انا كنت لاهي نعود ولد
و في اخر ايامي في بطن مامتي
ماما قالت يارب تكون بنت
وتحولت وصرت بنت
و ازغيبات الي على يدي ذوك مارة اني ولد اصلا !!
كانوا مايمشو بيا لأي مكان :(
حتى كل الصور الي عندي
فيها بنات العيله كلهم متحفلين و يشبهو البنات
و دايما حذاهم كائن غريب ماهو رابط نعاله
*_*
مسيكينه كانو مضطهديني !
بس كمان انا نستاهل
سنة اولى ابتدائي درستها و فوف في اخر سنة لها في الابتدائي ..
كرّهتها في الحياة
كنت كل يوم نخرج سابقها بساعه
سنة سادس يتأخروا بحصه دايما على اساس انهم كبار ،
كنت نجي نوقف عند باب فصلها
كر كر كر كر كر نبغى اختي
كر كر كر كر نبغى اختي
و يتواصل التكركير الين يخرجو
الين عادت الاستاذة كل ماتشوفني تقول
شرفت المزعجة :(
كنت نوكل مصروفي في الراحه
و الين نخرجوا الظهر نقولها اعطيني مصروفك
تقولي ماني ليش كلتي مصروفك كامل !
نمشي الين نص الشارع الي قدام باب الابتدائية التاسعه
و في طريق اهالي الطلاب و نقعد
نفسخ نعايلي و شُرابي و نتم نبكي في الشمس
و مانتقشر الين تجيبلي مصروفها :o
في مرة و انا عندي تقريباً ٦ سنين دخلت المطبخ
و هامني نطلع على الدولاب ياك نشوف نافذة المطبخ
تطل على اش مترشني ، جيت لاهي نسند على الفرن
دخلت ايدي اليسار في صابرة قادية تحتها النار و قام لعياااط
مشاو بيا للمستشفى فوراً
قصّو الجلد المحروق و عالجوني بشكل اليم
و الحمدلله تقريباً اختفات اثاره مع الزمن
باقي بس علامة تشبه فراشة صغيير تحوم حول الورشه
و نقط صغيرة على جفني
الحمدلله ماعميت :(
و انا سنة خامس سرقت ساعة ماما
غاااالية عليها و مشيت بيها للمدرسة و نسيتها
و بقات عين بيضاء .. يعني اختفات :(
مابطتني ماما بس بقات فيها
و نفسي نجبر زيها نجيبهالها :(
كنت مشاغبه و فوضويه و ومؤدبه و مدلعه و خوافه و قويه
و نلعب في الشارع
و مغرورة و فخوريه
و دايما نبغى نكون عندي كل شي غالي و زين اكثر من كل البنات
بس ماكنت ننافس على الجمال
مقتنعه بشكلي استغفر الله
عندين ماكانت عندنا مرايا !!
بابتي قط بطّني مرة وحدة في عمري
لأني حقيرة قلت ل عمي " حل عني "
واول ماشفت نظرات بابا هرربت
و قعدت دقايق نستنى العقوبة برعب !
جا و خبطني كم خبطة و خرج
بس لاأنها اول و اخر مرة كانت
بالنسبة لي قوية و مميزة جدااااً
كنت نعشق لعب الكيرم مع بابا !
كان لما يرقد نجي نسرحلو شعرو
نديرلو حكيماتي و بكلاتي و اطواقي
و يوعى عليا و يرّقد راصو ويخليني نلعب الين نطفش ،
حبيبي بابا يجمعني معاه يارب
كان في واحد جارنا يقولي " حديدة " بدل خديجه
لأني دايما نبط اولاده مسيكينين !
كان عندي افكار غريبه
مثلاً ان الملوك و الممثلين مايدخلوا الحمام
( الله يكرمكم ) !!
وكان منى عيني نوكل من البسكويت الي يوكلوها افلام الكرتون
والين ظرك نحسها شهية !
أيتها الشهية البهية الدائمة الطفولة <3
اول فيلم شفتو في طفولتي كان فيلم لاميتاب باتشان مدري باشان
المهم ذاك الهندي المشهور ، فيلم اسمو مارد .. كنت نحبو
بعدها شفت فيلم ماعالمين بيا اهلي
فيلم ليسرى " مصري " وقتها كان فيلم مصري يعني قمة قلة الادب
بس انا شفتو لان فيه اهل لخلا .. الين ظرك مانعرف اسمو بس متذكرة انها كانت تستحم و فجأة الما انقلب دم !! يالهووي رعب
من يومها و انا مانغمض عيوني تحت الماء الين اليوم !
كنت نعشق متابعة اسماء الناس الي يجو في نهاية المسلسلات و الافلام و البرامج
نلود لاسامي اهلي فيهم و نفررح لما نشوف اسم حد منهم مسخفني !
كنت نحب ماروكو
و كنت نشوف كونان و تحقيقاته في الجرايم انو مرررعب
و مانقد نخرصو لوحدي ابداً :(
و في مرة كنت نتفرج مع احمد و فجأة لقيتني هربت بيا الخوف
ودخلت لماما و قعد يضحك فيا :(
في حارة بيت جدتي الله يرحمها كنت قائدة العصابه
و العصابه عبارة عن كل بنات الحارة .. جيش ماشاءالله ..
دايما انا مدرستهم و أوامر و شخصية .. لما كبرو كلهم عادو اصح مني
العجيب اني ماكنت نخاف من حد في الحارة الا منى الليمونه .. كمّاشه :(
وانا مشاكلي لسان بس ^_*
كان في واحد ولد جيراننا .. ظرك عاد راجل محترم
و نجبرو في كبيتال دايما و نحشم منو ، هذا حاضر لطفولتي الجميله
كان في مراهقته يدخن جاحدها عن امو
انا وصاحبتي كنا نهددوه و نبتزوه و يدفع لنا
عشان نسكتو .. كنا حاقرينوو مسيكين مع انو اكبر منا حته !
و في واحد ولد ناس انا مانعرفهم قط سكنو معانا في الدار
جايين من مكه ، اسمو عبدالعزيز
كنت انا و بنات العمارة ندايقو عليه
بس هو غبي مايحب يلعب معانا !
بعدين صاحبني انا لانو ساكن معايا
ولما كانو مسافرين لبيتهم اعطاني نص ريال
" نحاسه " قالي لميها الين نرجعلك
وانا كبير نلاقيها عندك والله دني نتزوجك !!
قلتلو طيب !!
كييييف جاتنا هذه الفكرة مع ان ماكان بيننا غير اللعب !
ما اقوى وعدهُ ، شكلو بس شايفها في فيلم
المهم هوما ركبو سيارتهم من هنا
وانا دخلت البوتيك و اشتريت بيه حلاوة p:
بلا زواج بلا كلام فاضي " خاينه "
تصدقوا اني ندمت شوي ^^
قالولي ان كان عند جارنا قرد
واني كنت نسرق اكل اهلي من الثلاجة و نعطيه لو !!
انا مش فاكرة لكن مانستبعدها عليا :/
كان لساني خاسر ع فكرة
مانخصر حروف .. لا
نخربط و نخترع كلمات !
ريم نقولها بليله
زيني نقولو زيتي
روما نقولها انبوبه
<< هذه اسامي اشخاص ع فكرة ^_^
في وحدة جارتنا و نعرفها اتفو بيها
كانت ترسلني لبوتيك اهلي تقولي قوليلو ان امك ادور هذه الاشياء
و نمشي انا عندي ِلست طويله و نجيبلها ذا كامل ببلاش ..
مقابل انها تخليني نلعب على آلة الرياضة آلة المشي ذيك !
بعدين اهلي كشفوها صدفه
رسلو مرسول لشي قالهم ذا مكيفنكم قبظتوه
وبعد التحريات انكشفت و ماتليت نخش على ذوك الناس يعطيهم المحور !
افففف
تعبت من التفتيش في انحاء ذاكرتي
وتعبوا ايدياتي و تعبت ابتسامتي ^_^
الفكرة فين ؟
الفكرة ان احيانا نكونوا محتاجين نتذكروا طفولتنا
و اغلاطنا و ضعفنا و طباعنا الغبية
عشان نحسّو اننا تغيرنا .. كبرنا و صرنا اجمل
و ان مش بالضرورة الطفولة ترمز للزمن الجميل
و الشباب يرمز للطيش
لا هذا انا كنت طايشه في طفولتي
و في شبابي موثوقه و ماسّه التراب < يارب تجد على حد !
لا تكونوا كبار لدرجة تنساو انكم فيوم كان مجرد وجودكم فرحه
كنتو شي نظيف .. لا تحاولوا تتجردو من صفاتكم الطفولية عشان تكونوا كبار
الكبر مش قسوة ولا نفاق ولا حقد
الكبر اننا نكونوا اعقل .. انضج
لكن بروحنا الحقيقية اللي ربي خلقنا بيها
...
الجميل ماهو اننا ننسلخوا من طفولة > لشباب > لكهوله
بدون اي رواسب ولا تأثير !
لا ، الجميل اننا نعرفو نمزجوا بين كل هذه المراحل
نكونوا من نفسنا عمر كامل في لحظة وحدة <3
جربوا تكتبوا كل مواقف طفولتكم العجيبه
دونوها .. اقراووها ، و اضحكو
حتى لو تعتبروها سخيفه و بلا قيمة للآخرين
زي طفولتي انا ، يكفي انها تعني لي أنا جداً <3
ركزوا في طفولتكم بقلوبكم
اكيد تجبروا اشياء تستحق تعيدوها .. تعدلوها وانتو كبار !
و اكيد تجبروا اشياء مزلتو تعدلوها
مع انكم المفروض من زمان كبرتوا عنها !
:)
المهم هذه صور وحدة بنت انا مانعرفها
بس عجبتني صورها و حسيتها تشبهني وهيك
بس لا اكثر ولا شي
لاتفوتكم ذيك الكشه المسوسه في الصورة الاسود و ابيض :*
( نو نو ماني كاشه لا يضحكلي حد *_*)
بعد ساعات سيتم حذف الصورة لاتشوفنا مولاتها
و تطالب بحقوق النشر و الضحك و هكذا .. !!
المهم
كونوا فخورين بطفولتكم عشان شبابكم يفخر بيكم
و كلنا بشر يعني عادي لو كنتوا شوينين
او مفسدين او شينه صنعتكم ^_*
الى اللقاء :)
الله الله والله انك كنتي فقمة المشاكل والحلاوهوالبراه والشخصبه والثقه بس الهدو اكيد ماكان فم انتي كنتي داهيه والله انا كل شي فايقه اعليه تقريبا ياسر منووالله كنت روعه واتجني وكنتي لم تتراسيناانا والبنات وانا اظن كنت اسكرتيره والله شي من الشخصه ماهومعقول وكنتي فالمدرسه الي امعدله يلين مايجي حد لابس القبه ماتخليه يدخل والبنات كانو يكروك بقوار امتلج واتخليهم يدخلو والله انك كان عندك نووع من الاافلام ماهو معقول بس اتجنن كامله والله انك احلا واغلا صديقه واخت ربي مايحرمني منك ولامن نصايحك وعلى فكره اكبرتي وصرتي تصحينا وانتي لي كنتي ولاهمك فحد بس نفسك هههههههههه وني بيك والصور عندك فيهم شي من الشخصيه حقة زمان ماهي معقوله والله اني نبقي نكتب كل شي نعرفو عنك بس والله لم نبدا ماني لاهي نوفا السنه الجاي لاكن انتي احلا شي اهداني بيه ربي ونيييييي بيك ياحياتي
ردحذفوعلى فكره انسيت زي مادايما انعدل اكيد حبيبتك وتوم روحك اسويسه قلتي انتي هههههههههه بس انا سوسو
حذف