و بفرح و الحياة فرحه <3
لو انتي راضية و مسامحه :)
رائحة العلك المشوي وقت الشواء تغريني
قليل الي يعرفوها <3
مامتي تحفه .. قلت لها اني نبغى نشارك في المسيرة الصبح
مسيرة التغيير ..وانها سلمية وان صحباتي رايحين و ان الدنيا سهله و و و و و
جاوبتني بإختصار ..
جاوبتني بإختصار ..
جواب الين تقولوا نعرف ان الموضوع خارج نطاق ارادتي :(
قالتلي :: " الصبح ماتخرجي من باب الدار لو على جثتي "
رهيبه مامتي متأثرة بالمسلسلات " لو على جُثتي "
المشكله انها عارفة الطريقة الي ترفض بيها طلباتي و فنفس الوقت تضحكني
ماتعطيني فرصه نزعل ^^
يارب يطول عمرها ويخليهالي وتحكمني كمان وكمان ^^
جميلين الأشخاص الي يعرفوا اسلوب التعامل معانا بطريقة سليمة
يعني نحس كأنهم حافظين دفتر التعليمات الي يجي معايا لما نكون جديدة
....
بكرة يوم كبير .. بداية شيء مانعرف شنهو بس خالعني
ان شاءالله خير يارب .. الله يحفظ شبابنا وشباب المسلمين
..
داخلين على بداية السمستر 4 .. يعني يصير باقي سمستر 5 و 6 و نتخرج
الله .. طفشت نبغى نخلص ولو اني مافت تعلمت شي :(
كنت شاكه اني اخبارية ذاك اليوم قعد اخويا يكلمني سكايب
ويختبرني .. فجأة حسيت اني بدأت من الصفر !!
يمكن من التوتر و يمكن من التويتر !!
صرت كسلانه :(
الله يسهل بس
....
في الفترة الأخيرة و في اكثر من مرة
نشوف ناس كاتبين نصوص
شعر فصيح او مقالات او حتى اقتباسات من كتب
اشياء بالعربي يعني .. لما نقراها نلاقي نفس افكاري
وكلها افكار قديمة و فت كتبتها هون في حكمة صينية !!
زي مثلاً شفت " دلال البارود " الشاعرة الكويتية
كاتبه في التويتر كلام عن طغيان الشتاء و انو يتحكم فينا وهيك
الفكرة انا من زمان تكلمت عنها هون و بالنسبه لي قديمة
بس ما صغتها بشكل أنيق .. خليتها عفويه !
نندم :( .. ليش ماكتبتها فصحى .. كانت تجي نفس طريقتهم ويمكن أحلى !
لدرجة صرت نفكر نكتب فصحى دائماً و نبطل تضييع افكار وثرثرة !
بس المشكلة الراحة النفسية هنا تكون اكثر و الافكار تنساب اسرع :)|
مش عارفه !
مش عارفه !
ياترى فيه مرحلة معينة يوصلها الانسان و يكتفي من زيادة عدد اصدقائه !!
لا اتمنى ذلك :)
يا ترى فيه مرحلة مينة يوصلها الانسان و يكتفي من زيادة اخطائه !!
أتمنى ذلك :(
...
عادي .. كل شي عادي
انا انسان يعني عادي نغلط و نكون غبيه اوقات
و مانتحكم في اعصابي عادي
تذكرت اغنية .. مانعرف شنهي فيها كثير من عادي عادي :/
المهم
أحياناً تكون في اشياء ف داخلي خانقتني
مش شرط نحكي عنها لحد أو نبكي
بس ممكن نترجمها في تصرفات غلط !
أحياناً ننفجر على أشخاص مالهم ذنب في ضيقتي ..
نقول كلام نندم عليه
بس عادي .. أنا انسان !
،،
أحياناً نتمنى لو اني بكمه " مانتكلم " أو ع الأقل نتوتي
عشان نرتاح ونريح كثير ..
أو ع الأقل نتم نفكر قبل لا نتكلم
استغفر الله ياربي ذا ماينقال بس انا جايتني الخباله ذيك !!
استغفر الله العظيم ..
صديقتي توفى والدها قبل فترة
و مزالت متأثرة .. الله يعينها
كل مانشوفها ننخنق .. نتذكر اشياء حزينة
نتمنى نطير ونجي حذا بابتي ونحضنو ..!
الله يرحمه ويرحم محمد و يرحم كل موتى المسلمين
محمد صديقي الي نتذكره في كل مرة تلمح عيني باب ملحق الجامعة !
صارلو سنة وانا نشوفوا و نحس بيه مانعرف يتوصفلي في كل مكان كنت نشوفو فيه :(
الله يرحمه ويغفر له
مانبغى نتكلم عن الموت .
ماني متكلمة !
في قلبي امتنان ورضا لكثير ناس وامنيات جميله لهم
و في قلبي حاجة كبيرة لنفسي .. و شوي انتقادات و ملاحظات
محتاجه نقعد مع قلبي ونصفي الحسابات !
كلنا محتاجين .. لو نص ساعه .. نستمعوا لقلوبنا و ثرثراتها ..
المشكلة النص ساعة صارت صعبه في زحمة الوقت و فراغ الأرواح الذي نعيشه جميعاً
جاي على بالي آيسكريم ^^
نشوفكم على خير
و وقتها نكون أكثر تركيز من هذه اللحظة ان شاءالله
و وقتها نكون أكثر تركيز من هذه اللحظة ان شاءالله
نكون مصحصحة صح ^_^
بايوو
بايوو
أمس فرحت فرح ماهو عادي في بداية اليوم لمجرد ارتباطات عائلية تحسسك انك موجود
ردحذفوفي نهاية اليوم بكيت بشكل ماهو عادي لمجرد ابتعادات عائلية تحسسك انك مش موجود
الله يخليك غواليك
آآآمين يارب و يديم علينا وعليكم افراحه و رضاه
ردحذفهي هيك بداية اليوم ماتشابه آخره !
منور/ة كتيييير :)
نعرف عني سخيفه وكل شيئ يغير درجة سخافتك انت ما فت اوصلتلها ....على فكرة اعجبني :)
ردحذفهههههههههههههه اهم شي اعترفتي انك سخيفه معايا
ردحذفمانعود وحدي :)
نحبك مطولك
اووف يا ربي يعملني نسمعها من الافضل والاحسن;)........كم اكرهك :)
حذفأزال المؤلف هذا التعليق.
ردحذف