قلبي فندق ^^

اذآ المرء لم يبلغ حُب الإله

فلن يعرف المرء ماذا يريد

^^^

ياحبني لك يا يحيى حوى <3

 

اليوم يوم الحب العالمي

عشان كذا نبغى نتكلم عن الحُب في يومياتنا و ليلياتنا

<<  نكذب نكذب , لا تشيكوا على تاريخ اليوم

مغلى عليكم عيد الحب يالبنات p:

اليوم يوم الثلثاء مدري الثلاثاء وفي قول آخر الثلوث

مع اني بالعادة مانحب ذا اليوم ومانحب نكتب اسمو
ومانحب نخرج فيه ولا نكش ولا شي

لأني اصلاً أصلاً مانحب الرقم 3 ولا الاعداد الفردية كلها
و بدون اسباب << يعني لا حد يشغل مخو

بس اليوم بالذات عندي طاقة حب غريبه

نبغى نحب كثييير ناس مع بعض

<< قلبي فندق هع

لا من جد جاي على بالي نحب كل اللي نعرفهم

نفسي نحبني ونحب ماماتي و باباتي واهلي و صوحابي

و كل كل اللي نعرفهم في الحياة

عارفين

لو الحب كلمة و شعور وقلب يدق دق دق  وعين الرضا

كان انا نحبهم كلهم

وكان انتوا تحبوا كل اللي تعرفوهم

بس الحب حاقة أكبر من كدا بكتييير <<  إلهام شاهين على غفله


عارفين ان اغلبيتنا العظمى مايحبوا أمهاتهم ..!!؟


انا بعد شخصياً وبكل صراحة لما نفكر في نفسي نلاقي اني مانحبها 
 << استغفر الله يارب
او بالأصح ان الشعور اللي في قلبي لها مهما كان عمقهُ فإنه
لا يجسد معنى الحب المنشود << تؤبشني اللغة

عارفين متى نكون نحبها ؟؟

  لما نبوس اياديها في كل ثانية نشوفها فيها
<< بدال مانتنح في فيلم و ننفعل معاه وهي قاعدة تتأملني وتدعيلي الله يحفظني

لما نطير من مكاني و نجي عند رجولها كل ماتنطق اسمي

<< بدل مانقولها لللللحظة عندي شي مهم نخلصو ونجيك

ونقعد نستنى فلانة توريني صورها الجديدة ولا فلان يحكيلي قصة حياتو

لما نخليها ماتشوف غير ابتسامتي طول عمرها

<< بدل ماكل يوم نقعد جنبها نأفأف ونشكي من الطفش

وقلة الطلعات و كثر الشغل و و و و

لما نسهر طول الليل نقرآ عليها قرآن و نبوس راسها وهي مسخنه << بعيد الشر يارب

<< بدل مانسهر ع المسن وكل شوي نشيك عليها

ولا قاع انبات ننفخ شدوقي راقدة والصبح نقولها ماماتي كيفك ذحين ..!

ولما ولما ولما

الحب ماهو شعور محسوس بقد ماهو اشياء ملموسة

اشياء تنشاف بالعين

حٌسن خلق

لمسة يد << أحلى يانانسي

اهتمام و أهم شي الإهتمام :)

لما نحب اهلي المفروض

نكون معاهم حلوة زي شعور الحب بالزبط

نهتم بيهم و ندلعهم

نخاف عليهم بجنون و بقمة العقل

نضحك ونلعب ونجن و ننخبل ونعقل ونكبر في وسطهم

نكون معاهم على طبيعتي أكثر من أي وقت ثاني

حتى الزعل اللي بيننا يكون عفوي

نزعل ونعاتب ونبرد قلبي وننسسسسى

ونرجع نحب زي ماكنت وأقوووى

لما نحب اصحابي يعني نكون صادقة معاهم

اكثر من اي شخص

يعني مافي حواجز

يعني مافي مجاملة

يعني نقد ننتقد و نشقر و نصكك وننصح ونتنرفز ونفش زعلي

ويصيروا زي سبونج بوب يمتصوا الغضب مني

يعني لما يحكولي انو السما تحت والأرض في الوسط و فوق مافي شي

 نصدقهم بدون تردد

يعني ثقة كبيرة و حب بدون مقابل

لما نحب نفسي

يعني نهتم بيا و بـ ديني و بمواهبي و بدراستي ومستقبلي

يعني مانخلي شخص يرسم عني فكرة سيئة

ولا نسمح لمخلوق في الدنيا يهز ثقتي بنفسي ولا يحطم طموحاتي

يعني مانخلي شعري يتساقط من التفكير في الكدر

يعني مانضيع وقت صلاتي وما نتعمد الذنوب

يعني  نحافظ على نفسي و ندلعني بقوة << حلوة ندلعني :*

لما نفكر في الاشياء ذي كلها

نكتشف اني مانحب احد << شريرة *.*

لما نشوف اني مقصرة بحق مامتي و يمر يوم بدون مانبوس يدها

بس لأنو مزاجي ماهو رايق

لما نغيب عن البيت يومين ولا نمرض ونسمع أيودي الحقير يقول

انو توحششششني وانا معصبة و حابستو ووجهو ع الجدار

لما نشوف اني نحط حواجز بيني وبين صوحابي

ونتردد قبل لاننتقد نفر منهم ونتردد قبل لا نكلم نفر منهم عشان خايفة نزعجو

نعرف اني مااااااانحب أحد

و لسه قاعدة نتعلم كيف نحب

وبالله لا حد يكتب في قوقل ( كيف )

لأني لاحظت مجرد مانكتب كلمة كيف يجيني :

كيف تجعلينه يحبك ؟؟

كيف تجعلها تحبك بجنون ؟؟

^^

ذا الي ناقص قوقل يعلمنا الحب

و نحن أمة محمد عليه الصلاة والسلام ق1

عشان نحبوا شخص لازم يكون في شي ملموس يعبر عن الحب ذا

مهما كانت بساطتو ح يكون احلى مليون مرة من الحب الغبي الي متعودين عليه

اللي ييخلينا مانتذكروا نقولوا لشخص اننا نحبوه إلا بعد مايتوفى

يعني تخيلوا إنسان مسلم يحب الله أصدق و أعمق الحب

بس مايصلي ولا يتعبد ولا يسوي اي شي

بس قاعد يحب الله ويفكر فيه ويقول :

 (انا من قوة ماني واثق في ربي متأكد اني لاهي نخش الجنة حتى لو ما أديت عباداتي )

لما يموت أول شي راح يندم عليه صلاته وبدليل الحديث الشريف

قال عليه الصلاة و السلام :" بين الرجل و بين الكفر ترك الصلاة " رواه مسلم

يعني بعد مايفوت الآوان ماراح يرجع يعوض عن اللي فاتوا

زي ما للعبادة وقت محدد

وللصلاة وقت محدد

و لشروق الشمس وغروبها و للدنيا والآخرة

وللدراسة و فاتورة الجوال

زي ماكل كل كل كل شششششي له وقت محدد

الحب كمان له وقت محدد في حياتنا و له تأثير كبير على آخرتنا

ليه نخلوه يضيع سُداً ؟؟ << سُداً سُداً ^^

كلنا لله

وكلنا رايحين

عشان كذا غلط تخلي اللي تحبهم يروحوا منك كذا

هما رايحين رايحين شئت أم أبيت

وشئت أم أبيت راح تندم على تقصيرك معاهم

بس حاول والمحاولة ماتخسرك

انك تستغل كل الفرص الممكنة عشان تحلّي الحياة بينكم

وتأثر عليه بشكل إيجابي ولو بالشي البسيط << اشتري لو حلاوة مثلاً ^^

و ربي لايحرمكم شوفة أحبابكم و متعة أيامكم و فرحة جنانكم

<< بيت شعر *_^

وبدون موجب  ولا سالب حابه استشهد هنا ب حكمة خطيييرة

اطلقتها الكاتبة توم في وسط نقاش حاد بينها هي و نون

حيثُ قالت بكل نرفزة و انفعال :

( الحب رآآآآآآآآئع لكن النت شوههو )
<< والله ماحد متشوه غير فلسفاتك يادبه

نعرف انها حكمة رهيبه بس سامحوني مضطرة ننشرها لأني وعدتها
ووعدتها كمان إني نسويلها كتاب يضم أشهر مقولاتها ونتم نقتبس منها :*

لعنووونكم وبس ياللي نحوووبكم

و غلاوتي عندكو لتنبسطوا
:)

ع فكرة و لأنه يوم الحب قصدي يوم الثلثاء

شكراً كبيرة مرة مرة مرة لكل اللي شجعوني وحبوني و رفعوا معنوياتي

شكراً خاصة أجمل انسانة على كلامك الحلو اللي بجد فرحني وخلاني نستجمع كل طاقتي

عشان نكتب شي يفيدك ويأثر فيكِ

شكراً لكل اللي يقرآني و يدعيلي

شكراً حتى للأشخاص اللي بس يلمحولي انهم مهتمين *_^

شكراً كبيرة ولعنونكم راح نتفلسف كمان وكمان

نحبكم :)

monte escalier